ସଞ୍ଜୟ ରାଉତଙ୍କ ଟାର୍ଗେଟ, ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ନିମନ୍ତ୍ରଣ କରିବାକୁ ବିଜେପି କିଏ ?

Sanjay Raut on Ram Mandir ନୂଆଦିଲ୍ଲୀ: ଆସନ୍ତା ଜାନୁଆରୀ 22 ତାରିଖରେ ରାମ ମନ୍ଦିର ପ୍ରତିଷ୍ଠା ହେବ । ଏନେଇ ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଏଥିପାଇଁ ବିଭିନ୍ନ ରାଜନୈତିକ ଦଳକୁ ନିମନ୍ତ୍ରଣ ପତ୍ର ଦିଆଯାଇଛି । ତେବେ ଏହାକୁ ନେଇ ରାଜନୀତି ଆରମ୍ଭ ହୋଇଥିବା ବେଳେ ଶିବସେନା ଉଦ୍ଧବ ଗୋଷ୍ଠୀ ନେତା ସଞ୍ଜୟ ରାଉତ ଏହାକୁ ବିଜେପିର ଏକ ରାଜନୈତିକ ସଭା କହି ଟାର୍ଗେଟ କରିଛନ୍ତି । ସେ କହିଛନ୍ତି ଯେ, ବିଜେପିର ରାଜନୈତିକ କାର୍ଯ୍ୟକ୍ରମ ଶେଷ ହେବା ପରେ ଆମେ ରାମ ମନ୍ଦିର ପରିଦର୍ଶନରେ ଯିବୁ । ଅଯୋଧ୍ୟାରେ କେବଳ ବିଜେପିର କାର୍ଯ୍ୟକ୍ରମ ଚାଲିଛି । ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ନିମନ୍ତ୍ରଣ କରିବା ପାଇଁ ବିଜେପି କିଏ ?  

ପ୍ରକାଶଥାଉକି, ଗତ ମଙ୍ଗଳବାର ଦିନ ମଧ୍ୟ ଏନେଇ ଏକ ବୟାନ ଦେଇଥିଲେ ସଞ୍ଜୟ ରାଉତ ।  ଅଯୋଧ୍ୟା ଯିବା ପାଇଁ ଠାକରେଙ୍କୁ ନିମନ୍ତ୍ରଣର କୌଣସି ଆବଶ୍ୟକତା ନାହିଁ ବୋଲି ଗତ ମଙ୍ଗଳବାର ଦିନ ଶିବସେନା ନେତା ସଞ୍ଜୟ ରାଉତ କହିଥିଲେ ।