President Cuttack Visit: କଟକରେ ରାଷ୍ଟ୍ରପତି, ମାଆ ଚଣ୍ଡୀଙ୍କ ନେଲେ ଆଶିଷ

କଟକ: 3 ଦିନିଆ ଓଡିଶା ଗସ୍ତରେ ଥିବା ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି କଟକ ଗସ୍ତ କରିଛନ୍ତି । ରାଜବନରୁ ବହାରି ସଡକ ଅଭିମୁଖେ କଟକରେ ପହଞ୍ଚିଥିଲେ ରାଷ୍ଟ୍ରପତି । ଲୋକଙ୍କ ରାଷ୍ଟ୍ରପତିଙ୍କୁ ଦେଖିବାକୁ ବେଶ ଉତ୍ସାହିତ ହୋଇଥିଲେ ଲୋକେ । ମାଆ ଚଣ୍ଡିଙ୍କ ଦର୍ଶନରୁ କଟକ ଗସ୍ତ କାର୍ଯ୍ୟକ୍ରମ ଆରମ୍ଭ କରିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଚଣ୍ଡୀ ମନ୍ଦିରରେ 15 ମିନିଟର ଦର୍ଶନ କାର୍ଯ୍ୟକ୍ରମ ରହିଥିଲା । ପ୍ରଥମ କଟକ ଚଣ୍ଡୀ ମନ୍ଦିରରେ ମାଆ ଚଣ୍ଡୀଙ୍କ ଦର୍ଶନ କରିଥିଲେ । 

ପ୍ରଥମେ ରାଷ୍ଟ୍ରପତିଙ୍କ ଗୋତ୍ରରେ ପୂଜାର୍ଚ୍ଚନା ହୋଇଥିଲା ଏହା ପରେ ମାଆଙ୍କ ନିକଟରେ ଆଳତୀ କରିଥିଲେ ମହାମହିମ । କଟକର ଅଧିଷ୍ଠାତ୍ରୀ ଦେବୀ ମାଆ ଚଣ୍ଡୀଙ୍କୁ ଦର୍ଶନ କରି ରାଷ୍ଟ୍ରପତି ଖୁସି ବ୍ୟକ୍ତ କରିଥିବା କହିଛନ୍ତି ଚଣ୍ଡୀ ମନ୍ଦିର ମୁଖ୍ୟ ପୂଜକ ମନୋଜ ପଣ୍ଡା । ରାଷ୍ଟ୍ରପତିଙ୍କୁ ଦେଖିବାକୁ ପାଇଁ ଅପେକ୍ଷା କରି ରହିଥିଲେ ଶହ ଶହ ଲୋକ । ତାଙ୍କର ଟିକିଏ ଝଲକ ଦେଖିବାକୁ ଲୋକଙ୍କର ପ୍ରବଳ ଗହଳି ଲାଗିଥିଲା । 

ମାଆ ଚଣ୍ଡୀଙ୍କୁ ଦର୍ଶନ କରିବା ପରେ ଉପସ୍ଥିତ ଲୋକଙ୍କୁ ହାତ ହଲାଇ ସେମାନଙ୍କ ପ୍ରଣାମ ଗ୍ରହଣ କରିବା ସହିତ ପ୍ରତିପ୍ରଣାମ ଜଣାଇଥିଲେ ରାଷ୍ଟ୍ରପତି । ମାଆ ଚଣ୍ଡୀଙ୍କୁ ଦର୍ଶନ କରିବା ପରେ ନେତାଜୀ ସଂଗ୍ରହାଳୟ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ଏହା ସହିତ ଆଜି କଟକରେ ମାରାଥନ କାର୍ଯ୍ୟକ୍ରମରେ ଯୋଗ ଦେବେ ରାଷ୍ଟ୍ରପତି । ରାଷ୍ଟ୍ରପତିଙ୍କ ସହିତ ରାଜ୍ୟପାଳ ପ୍ରେଫେସର ଗଣେଶୀ ଲାଲ ରହିଛନ୍ତି ।

ଇଟିିଭି ଭାରତ, କଟକ