President Cuttack Visit: ପିଲାଙ୍କ ପାଇଁ ପ୍ରୋଟୋକଲ ଭାଙ୍ଗିଲେ ରାଷ୍ଟ୍ରପତି, ଚଣ୍ଡିଛକରେ ବାଣ୍ଟିଲେ ଚକୋଲେଟ

କଟକ: 3 ଦିନିଆ ଓଡିଶା ଗସ୍ତରେ ଥିବା ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି କଟକ ଗସ୍ତ କରିଛନ୍ତି । ପ୍ରଥମ କଟକ ଅଧିଷ୍ଠାତ୍ରୀ ଦେବୀ ମାଆ ଚଣ୍ଡିଙ୍କୁ ଦର୍ଶନ କରିବା ପରେ ଚଣ୍ଡିଛକରେ ପିଲାଙ୍କୁ ଚକୋଲେଟ ବାଣ୍ଟିଥିଲେ ମହାମହିମ ରାଷ୍ଟ୍ରପତି । ମାଆ ଚଣ୍ଡୀଙ୍କ ଦର୍ଶନ ସାରି ଚଣ୍ଡୀଛକ ପିଲାଙ୍କୁ ଚକୋଲେଟ ବାଣ୍ଟିଥିଲେ ରାଷ୍ଟ୍ରପତି । ରାଷ୍ଟ୍ରପତିଙ୍କୁ ଭେଟିବା ପାଇଁ ଚଣ୍ଡିଛକରେ ଲୋକ ଭିଡ଼ ଜମିଥିଲା । ରାଷ୍ଟ୍ରପତିଙ୍କ କାରକେଡ ଧୀରେ ଧୀରେ ଅଟକିଥିଲା । ପରେ ରାଷ୍ଟ୍ରପତି ଗାଡିରୁ ଓହ୍ଲାଇ ପ୍ରଥମେ ଚାନ୍ଦିନୀ ଚୌକ ଅଞ୍ଚଳର ପାୟଲ ପରିଡାଙ୍କୁ ଚକୋଲେଟ ଦେଇଥିଲେ । ପରେ ପାୟଲ ରାଷ୍ଟ୍ରପତିଙ୍କୁ ଯୋଗ ପରିବେଶଣ କରି ଦେଖାଇ ଥିଲେ । 

ଏହା ପରେ ସେଠାରେ ଉପସ୍ଥିତି ସମସ୍ତ କୁନି କୁନି ପିଲାଙ୍କୁ ଚକୋଲେଟ ବାଣ୍ଟିବା ସହ ସେମାନଙ୍କ ସହ ହାତ ମିଳାଇଥିଲେ ରାଷ୍ଟ୍ରପତି । ରାଷ୍ଟ୍ରପତିଙ୍କଠୁ ଚକୋଲେଟ ପାଇବା ସହ ଅତି ନିକଟରୁ ରାଷ୍ଟ୍ରପତିଙ୍କୁ ଭେଟି ବେଶ ଖୁସି ପ୍ରକାଶ କରିଛନ୍ତି ପିଲା । ଏହା ପରେ ରାଷ୍ଟ୍ରପତି ଶୈଳବାଳା କଲେଜ ପରିଦର୍ଶନ କରିଥିଲେ । ସେଠାରେ ଉପସ୍ଥିତ ଲୋକଙ୍କୁ ହାତ ହଲାଇ ଅଭିନନ୍ଦନ ଜଣାଇଥିଲେ । ଶୈଳବାଳା ମହିଳା ମହାବିଦ୍ୟାଳୟରେ ରାଷ୍ଟ୍ରପତିଙ୍କୁ ମଧୁବାବୁଙ୍କ ଏକ ଫଟୋଚିତ୍ର ଉପହାର ଦିଆଯାଇଛି । ସେଠାରୁ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମପୀଠରେ ପହଞ୍ଚି ଶ୍ରଦ୍ଧାଞ୍ଜଳି ଜଣାଇବା ପରେ ହାଇକୋର୍ଟର 75ତମ ପ୍ରତିଷ୍ଠା ଉତ୍ସବରେ ଯୋଗ ଦେଇଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।

ଇଟିିଭି ଭାରତ, କଟକ