ଇମ୍ରାନ ଖାନଙ୍କୁ କେମିତି ଉଠାଇନେଲା ପୋଲିସ, ଦେଖନ୍ତୁ ଭିଡିଓ

ହାଇଦ୍ରାବାଦ: ପାକିସ୍ତାନ ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଆଜି ଅପରାହ୍ନରେ ଇସଲାମାବାଦ ହାଇକୋର୍ଟ ପରିସର ବାହାରୁ ଗିରଫ କରାଯାଇଛି । ତେବେ ତାଙ୍କୁ କିପରି ଗିରଫ କରି ଉଠାଇ ନେଇଥିଲା ପୋଲିସ, ତାର ଏକ ଭିଡିଓ ଏବେ ସାମ୍ନାକୁ ଆସିଛି । ବ୍ୟାପକ ସୁରକ୍ଷା ବଳୟ ମଧ୍ୟରେ ପୂର୍ବ ପ୍ରସ୍ତୁତି ସହ ଇମ୍ରାନଙ୍କୁ ଗିରଫ କରାଯାଇଥିଲା । ଇମ୍ରାନଙ୍କ ସହ ତାଙ୍କର କେହି ଜଣେ ହେଲେ ଆଇନଗତ ପରାମର୍ଶଦାତା, ସହଯୋଗୀ କିମ୍ବା ଦଳୀୟ କର୍ମୀ ନଥିବା ବେଳେ, ତାଙ୍କୁ ଶତାଧିକ ପୋଲିସ କର୍ମୀ ଉଠାଇ ନେଇ ଭ୍ୟାନରେ ବସାଇଥିଲେ । କ୍ଷମତାରୁ ହଟିବା ପରେ ଏକାଧିକ ମାମଲାରେ ଛନ୍ଦି ହୋଇଥିବା ଇମ୍ରାନ ଗତ କିଛି ଦିନ ଗିରଫ ହେବା ନେଇ ଚର୍ଚ୍ଚା ଲାଗି ରହିଥିଲା । ଜଣେ ପୂର୍ବତନ ପ୍ରଧାନମନ୍ତ୍ରୀଙ୍କର ଏପରି ନାଟକୀୟ ଗିରଫଦାରୀକୁ ନେଇ ମଧ୍ୟ ଚର୍ଚ୍ଚା ହେଉଛି । ଗିରଫଦାରୀ ପୂର୍ବରୁ ଇମ୍ରାନଙ୍କର ଏକ ଭିଡିଓ ମଧ୍ୟ ଭାଇରାଲ ହେଉଛି । ଯେଉଁଥିରେ ସେ ଏକ କାରରେ ବସିଥିବା ବେଳେ ତାଙ୍କୁ ଜେଲରେ ପୁରାଇବାରୁ ଷଡଯନ୍ତ୍ର କରାଯାଇଥିବା କହୁଛନ୍ତି । ଦେଖନ୍ତୁ ଗିରଫଦାରୀର ସମୟର ଦୃଶ୍ୟ ।