ପଶ୍ଚିମାଝଡ଼ରେ ବେହାଲ ସିଲଭରସିଟି

କଟକ: ପଶ୍ଚିମା ଝଡବର୍ଷା ପ୍ରଭାବରେ ବେହାଲ ସିଲଭର ସିଟି ।  କଟକରେ ପୁଣି ଦୃଶ୍ୟମାନ ହେଲା କୁତ୍ରିମ ବନ୍ୟା । ସହରର ଅନେକ ସ୍ଥାନ ଜଳବନ୍ଦୀ ହୋଇ ରହିଥିବା ନେଇ ଚିନ୍ତାରେ ସହରବାସୀ । ରାସ୍ତା ଉପରେ ଆଣ୍ଠୁଏ ଲେଖାଏଁ ପାଣି ହୋଇଥିବାରୁ ଘରୁ ବାହାରିବା ଏକ ପ୍ରକାର କଷ୍ଟସାଧ୍ୟ ହୋଇ ପଡିଛି । ବିଶେଷ କରି ବାଦାମବାଡ଼ି ମୁଖ୍ୟରାସ୍ତାରେ ବର୍ଷା ଜଳ ଯୋଗୁଁ ଗମନାଗମନ ବାଧାପ୍ରାପ୍ତ ହୋଇଛି । ଗୋଟିଏ ପଟେ ରାସ୍ତାରେ ଯାଇକା କାମ ହେତୁ ରାସ୍ତା ନିମ୍ନ ମାନର ଅନ୍ୟପଟେ ଆଣ୍ଠୁଏରୁ ଊର୍ଦ୍ଧ୍ଵ ପାଣି । ତେବେ ଏହାରି ଭିତରେ ଯାତ୍ରୀ କେତେ ସୁରକ୍ଷିତ ବୋଲି ମନରେ ପ୍ରଶ୍ନ ଉଙ୍କି ମାରୁଛି । ତେବେ ଦୀର୍ଘ ଦିନ ଧରି ଚାଲିଥିବା ସରକାରୀ ଯୋଜନା ଏବେ ଆଖି ସାମ୍ନାରେ । ସିଏମସି ଜଳବନ୍ଦୀ ନହେବାର ଅଭୟ ବର ପ୍ରଦାନ କରିଥିଲେ ସୁଦ୍ଧା ସ୍ଥିତି ଯେଉଁ ଚାଉରକୁ ସେଇ ଚାଉର ।  

ଇଟିଭି ଭାରତ, କଟକ