Anantnag Encounter: କୋକେରନାଗ ଜଙ୍ଗଲରେ ଗୁଳି ବିନିମୟ ଜାରି, ଦେଖନ୍ତୁ ଗ୍ରାଉଣ୍ଡ ରିପୋର୍ଟ

ଶ୍ରୀନଗର: ଆଜି ତୃତୀୟ ଦିନରେ ମଧ୍ୟ ଅନନ୍ତନାଗ ଜିଲ୍ଲା ସ୍ଥିତ କୋକେରନାଗ ଜଙ୍ଗଲରେ ଯବାନ ଓ ଆତଙ୍କବାଦୀଙ୍କ ମଧ୍ୟରେ ଏନକାଉଣ୍ଟର ଜାରି ରହିଛି । ଏଯାବତ ଜମ୍ମୁକାଶ୍ମୀର ପୋଲିସ ଡିଏସପି ହୁମାୟୁ ଭଟ୍ଟଙ୍କ ସହ ୩ ଜଣ ଯବାନ ଶହୀଦ ହୋଇଥିବା ଖବର ଆସିଛି । ପୂର୍ବରୁ ୨ ଜଣ ଯବାନ ଶହୀଦ ହୋଇଥିବା ବେଳେ ଆଜି ସକାଳୁ ପୁଣି ଜଣେ ଯବାନ ଶହୀଦ ହୋଇଥିବା ଖବର ଆସିଥିଲା । ଗତକାଲି ଗୁଳିଚାଳନା ବନ୍ଦ ଥିବା ବେଳେ ଆଜି ସକାଳୁ ପୁଣି ଫାୟାରିଂ ଶବ୍ଦ ଶୁଣିବାକୁ ମିଳିଛି । ସେପଟେ ଆତଙ୍କବାଦୀ ଲୁଚିଥିବା ସ୍ଥାନକୁ ସନ୍ଦେହ କରାଯାଇ ଭାରତୀୟ ସେନା ପକ୍ଷରୁ ଗ୍ରେନେଡ ମାଡ଼ ହେଉଥିବା ବେଳେ ସାରା ଅଞ୍ଚଳ ଗୋଳାବାରୁଦ ଶବ୍ଦରେ ଫାଟି ପଡ଼ିଛି । ପୋଲିସ, ଭାରତୀୟ ସେନା ଓ CRPF ଯବାନଙ୍କ ମିଳିତ ସର୍ଚ୍ଚ ଅପରେସନ ଜାରି ରହିଛି । ଗତ ୩ ଦିନ ପୂର୍ବରୁ ଆରମ୍ଭ ହୋଇଥିବା ସର୍ଚ୍ଚ ଅପରେସନ ଆଜି ବି ଜାରି ରହିଛି । ଏନକାଉଣ୍ଟର ପ୍ରାରମ୍ଭରେ ହିଁ ଆତଙ୍କବାଦୀଙ୍କ ଜାଲରେ ଫସି ଯାଇଥିଲେ ଦେଶ ମାତୃକା ପାଇଁ ଶହୀଦ ହୋଇଥିଲେ ଡିଏସପି ହୁମାୟୁ ଭଟ୍ଟ, ୯ ରାଷ୍ଟ୍ରୀୟ ରାଇଫଲ୍ସ କମାଣ୍ଡିଂ ଅଫିସର କର୍ଣ୍ଣେଲ ମନପ୍ରୀତ ସିଂ  ଓ ମେଜର ଆଶିଷ ଧୋନଚାକ । ଆଜି ଗୁଳି ବିନିମୟ ଜାରି ରହିଥିବା ବେଳେ ଦେଖନ୍ତୁ ଇଟିଭି ଭାରତର ଗ୍ରାଉଣ୍ଡ ରିପୋର୍ଟ

ବ୍ୟୁରୋ ରିପୋର୍ଟ, ଇଟିଭି ଭାରତ