ନୀଳାଦ୍ରି ବିଜେର ସବୁଠୁ ରୋଚକ ଲକ୍ଷ୍ମୀନାରାୟଣ କଳି, ଦେଖନ୍ତୁ ଦୁର୍ଲଭ ଦୃଶ୍ୟ

ପୁରୀ: ନୀଳାଦ୍ରି ବିଜେର ସବୁଠୁ ଦୁର୍ଲଭ ଦୃଶ୍ୟ ହେଉଛି ଲକ୍ଷ୍ମୀନାରାୟଣ କଳି । ଲକ୍ଷ୍ମୀ ଠାକୁରାଣୀଙ୍କୁ ଛାଡ଼ି ଭାଇ ଭଉଣୀଙ୍କ ସହିତ ନବ ଦିନାତ୍ମକ ଯାତ୍ରାରେ ବାହାରି ପଡ଼ିଥିଲେ କାଳିଆ ଠାକୁର । ଏଥିଲାଗି ମାଆ ଲକ୍ଷ୍ମୀ ରୋଷ କରିଛନ୍ତି । ହେରାପଞ୍ଚମୀ ଦିନ ଶ୍ରୀଗୁଣ୍ଡିଚା ମନ୍ଦିର ଯାଇ ପ୍ରଭୁଙ୍କୁ ଡାକିଥିଲେ, ହେଲେ ବଡ଼ ଦେଉଳକୁ ଫେରିଲେନି କାଳିଆ ଠାକୁର । ଫଳରେ ଲକ୍ଷ୍ମୀ ଠାକୁରାଣୀଙ୍କ କ୍ରୋଧ ପ୍ରଚଣ୍ଡ ରୂପ ଧାରଣ କରିଛି । ନୀଳାଦ୍ରି ବିଜେ ସମୟରେ ବଡ଼ ଠାକୁର ବଳଭଦ୍ର, ଭଉଣୀ ଦେବୀ ଶୁଭଦ୍ରା ବଡ଼ ଦେଉଳକୁ ପ୍ରବେଶ କରିସାରିଛନ୍ତି । ଆଉ ଯେତେବେଳେ କାଳିଆ ଠାକୁରଙ୍କ ପାଳି ଆସିଛି ସେତେବେଳେ ଚାହାଣି ମଣ୍ଡପରେ ଜଗା ବାଟ ରୋକିବାକୁ ପହଞ୍ଚିଛନ୍ତି ଲକ୍ଷ୍ମୀ । ସିଂହଦ୍ବାର କାଳିଆ ପାଇଁ ବନ୍ଦ ହୋଇଛି । ସେ ତ ନଟ ନାଗର କାଳିଆ । ଝୁଲି ଝୁଲି ଆସୁଛି । ଲକ୍ଷ୍ମୀ ଠାକୁରାଣୀଙ୍କ ମାନଭଞ୍ଜନ ପାଇଁ ସାଙ୍ଗରେ ରସଗୋଲା, ସ୍ବର୍ଣ୍ଣ ଅଳଙ୍କାର ଓ କଳା ଶାଢୀ ମଧ୍ୟ ଆଣିଛନ୍ତି । ଆର ବରଷକୁ ସାଥୀରେ ନେଇଯିବେ ବୋଲି ମାଆଙ୍କୁ ପ୍ରତିଶୃତି ଦେବେ । ଏହାପରେ ତରଳିଯିବ ମାଆଙ୍କ ହୃଦୟ । କ୍ରୋଧ ହେବ ଶାନ୍ତ । ଆଉ ଖୋଲିବ ସିଂହଦ୍ବାର ।  

ଇଟିଭି ଭାରତ, ପୁରୀ