ଆଜି ଗଣେଶ ଚତୁର୍ଥୀ, ଗାଁଠୁ ସହର ଉତ୍ସବ ମୁଖର

ନୟାଗଡ଼ : ଆଜି ହେଉଛି ଗଣେଶ ଚତୁର୍ଥୀ l ଏଥିପାଇଁ ପୁରପଲ୍ଲୀ ଉତ୍ସବ ମୁଖର l ଗାଁ ଏବଂ ସହରରେ ଭକ୍ତିମୟ ପରିବେଶ ସୃଷ୍ଟି ହୋଇଛି l ଅଗ୍ରପୂଜ୍ୟ ଗଜାନନଙ୍କୁ ପୂଜା କରିବାକୁ ଗାଁଠୁ ସହର, ସବୁଠି ଭିଡ଼ l ବିଶେଷ କରି ନୟାଗଡ଼ ଜିଲ୍ଲାର ପ୍ରତ୍ୟେକ ଶିକ୍ଷାନୁଷ୍ଠାନରେ ଜ୍ଞାନର ଦେବତା ଅଗ୍ରପୂଜ୍ୟଙ୍କୁ ପୂଜାର୍ଚ୍ଚନା କରାଯାଉଛି l ସକାଳୁ ସକାଳୁ ଛାତ୍ରଛାତ୍ରୀ ମାନେ ବିଦ୍ୟାଳୟ ତଥା ଶିକ୍ଷାନୁଷ୍ଠାନକୁ ଯାଇ ପୂଜାର୍ଚ୍ଚନା କରୁଛନ୍ତି l ସାହିରୁ ଆରମ୍ଭ କରି ନୟାଗଡ଼ର ବିଭିନ୍ନ ସ୍ଥାନରେ ଛୋଟ ବଡ଼ ମୂର୍ତ୍ତି କରି ପୂଜାର୍ଚ୍ଚନା କରାଯାଉଛି l ନୟାଗଡ଼ ସହର ଏବଂ ରାଜସୁନାଖଳାରେ ବଜାର ବଡ଼ ବଡ଼ ତୋରଣ କରାଯାଇ ପୂଜାର୍ଚ୍ଚନା କରାଯାଉଛି l ଇଟିଭି ଭାରତ ,ନୟାଗଡ଼