ବାଲେଶ୍ଵରରେ ଗଣେଶ ପୂଜାର ମାହୋଲ, ମନମୋହୁଛି ନନ୍ଦିଘୋଷ ରଥ ମେଢ

ବାଲେଶ୍ବର: ବାଲେଶ୍ବର ସହରରେ ବେଶ ଧୁମଧାମରେ ଚାଲିଛି ଗଣେଶ ପୂଜା । ସହରର ବିଭିନ୍ନ ସ୍ଥାନରେ ମେଢ଼ ମନ ମୋହୁଥିବା ବେଳେ ଫକୀର ମୋହନ ଗୋଲେଇର ଲୋରୀ କ୍ଲବ ଦ୍ବାରା ନନ୍ଦିଘୋଷ ରଥର ମେଢ଼ ପ୍ରସ୍ତୁତ କରାଯାଇଛି। ସେହିପରି ମେଡିକାଲ ଲେନରେ 37 ଟି କ୍ଲବ ଦ୍ବାରା ବେଶ ଆକର୍ଷଣୀୟ ଭାବେ ସାଜସଜ୍ଜା ହୋଇଛି । ସକାଳ ଠାରୁ ପୂଜାର ସାଜସଜ୍ଜା ଚାଲିଥିବା ବେଳେ କଳସ ବୁଢ଼ାଇବା ପରେ ବେଶ ଜମୁଛି ପୂଜା ବଜାର। ଦୁଇଦିନ ଧରି ସହରରେ ଗଣପତିଙ୍କ ଆରାଧନା କରାଯିବ । ପରେ ବାଲିଘାଟ ଓ ନୁଣିଆଯୋଡି ଠାରେ ଭସାଣ ହେ ବ। ସହରର ସମୁଦାୟ 127 ସ୍ଥାନରେ ମେଢ଼ ଭକ୍ତଙ୍କ ମନ ମୋହୁଛି । ଇଟିଭି ଭାରତ, ବାଲେଶ୍ବର