ମାଲକାନଗିରିର ବିଭିନ୍ନ ହୋଟେଲରେ ଖାଦ୍ୟ ସୁରକ୍ଷା ବିଭାଗର ଚଢ଼ାଉ

ମାଲକାନଗିରି:ଜିଲ୍ଲାର ବିଭିନ୍ନ ହୋଟେଲ ଉପରେ ଖାଦ୍ୟ ସୁରକ୍ଷା ବିଭାଗର ଚଢ଼ାଉ । ଏହି ଚଢ଼ାଉରେ ହୋଟେଲର ପରିବେଶ,ଖାଦ୍ୟର ମାନ ସହ ଖାଦ୍ୟ ତିଆରି ହେଉଥିବା ବିଭିନ୍ନ ସାମଗ୍ରୀର ମାନ ମଧ୍ୟ ତଦାରଖ ହୋଇଥିଲା । ହୋଟେଲ ଗୁଡିକରେ ଥିବା ଟିଫିନ ଗୁଡିକ ଖାଇବା ଯୋଗ୍ୟ ନା ତାହା ଖରାପ ହୋଇଯାଇଛି ତଦାରଖ ହେବା ସହ ଯେଉଁ ସ୍ଥାନରେ ସେହି ଖାଦ୍ୟ ରଖା ହେଉଛି ତାହା କେତେ ଉପଯୋଗୀ ସେଗୁଡିକ ମଧ୍ୟ ପରୀକ୍ଷା କରାଯାଇଥିଲା । ଯେଉଁ ସବୁ ଖରାପ ତେଲ,ଖାଇବା ସାମଗ୍ରୀ କିମ୍ବା ଅନ୍ୟାନ୍ୟ ଖରାପ ସାମଗ୍ରୀ ଥିଲା ସେ ଗୁଡିକୁ ନଷ୍ଟ କରାଯିବା ସହ ଫାଇନ ପକାଯାଇଥିଲା। ଏହି ଚଢ଼ାଉ ସମୟରେ ଖାଦ୍ୟ ସୁରକ୍ଷା ବିଭାଗ ସହିତ ପୋଲିସ ଓ ପୌରପାଳିକ ନିର୍ବାହୀ ଅଧିକାରୀ ମଧ୍ୟ ଉପସ୍ଥିତ ଥିଲେ। ଇଟିଭି ଭାରତ, ମାଲକାନଗିରି