Watch: ସୁନ୍ଦରଗଡରେ ଆତଙ୍କ ଖେଳାଇଛି ଦନ୍ତା, ଭାଙ୍ଗୁଛି ଘର

ରାଉରକେଲା: ଜିଲ୍ଲାରେ ଥମୁନି ହାତୀ ଆତଙ୍କ । ଦନ୍ତା ହାତୀ ଆତଙ୍କରେ ଆତଙ୍କିତ ବଣାଇ ଅଞ୍ଚଳବାସୀ । ବାରମ୍ବାର ଜଙ୍ଗଲୀ ହାତୀ ଆସିବା କାରଣରୁ ଭୟଭୀତ ଅବସ୍ଥାରେ ଦିନ କାଟୁଛନ୍ତି ଲୋକେ । ଗତକାଲି(ଶୁକ୍ରବାର) ମଧ୍ୟ ହାତୀ ଆତଙ୍କ ଖେଳାଇଛନ୍ତି । ଲୋକଙ୍କ ଘର ଦ୍ବାର ଭାଙ୍ଗିବା ସହ ଫସଲ ମଧ୍ୟ ନଷ୍ଟ କରିଛନ୍ତି । ଏହାକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ତେବେ ଗତକାଲି ବିଳମ୍ବିତ ରାତିରେ ଦୁଇଟି ଦନ୍ତା ହାତୀ ଉପରପଡା ଏବଂ କେନ୍ଦ୍ରିକଳା ଅଞ୍ଚଳରେ ପଶିଆସିଥିଲେ । ସେଠାରେ ଦୁଇଟି ଘର ଭାଙ୍ଗିବା ସହ ଚାଉଳ ନଷ୍ଟ କରିଥିବା ସୂଚନା ରହିଛି । ସେହିପରି ଅନ୍ୟପକ୍ଷରେ ପୁଣି ଗତକାଲି ପ୍ରାୟ ରାତି ୯ଟା ରାତିରେ ବଣାଇ ଟାଉନ ମଧ୍ୟରେ ମଧ୍ୟ ଏହି ହାତୀ ପଶି ଆସିଥିବା ଦେଖିବାକୁ ମିଳିଥିଲା । ବଣାଇ ଟାଉନ ଭିତରେ ପଶି ଯାଇଥିବା ଯୋଗୁଁ ଲୋକେ ଭୟଭୀତ ହୋଇ ପଡ଼ିଥିଲେ । ଏନେଇ ହାତୀକୁ ଘଉଡାଇବାକୁ ବନ ବିଭାଗ କର୍ମଚାରୀ ଓ ଗ୍ରାମବାସୀ ଚେଷ୍ଟା କରିଥିଲେ । ତେବେ ଗତ କିଛିଦିନ ହେବ ଏହି ଦୁଇଟି ହାତୀ ବଣାଇ ଟାଉନ, କେନ୍ଦ୍ରିକଳା, ବାବୁ ନୂଆଗାଁ,ତାଳ ବାହାଳି,ଦରେଇକଳା, ମୂଷା ପୋଷ ସହ କୁଳିପୋଷ ରେଞ୍ଜର ବିଭିନ୍ନ ଗ୍ରାମରେ ଆତଙ୍କ ଖେଳାଇଛନ୍ତି  ।  

ଇଟିଭି ଭାରତ, ରାଉରକେଲା