ନକଲି ମଦ ତିଆରି ହେଉଥିବା ଘରେ ମାଡି ବସିଲା ପୋଲିସ, ୫ ଗିରଫ

ରାଉରକେଲା: ଦିନକୁ ଦିନ ସହରରେ ବୃଦ୍ଧି ପାଇବାରେ ଲାଗିଛି ନକଲି ମଦ କାରବାର । ନକଲି ମଦ ଗଛିତ ରଖିଥିବା ବେଳେ ମାଡି ବସିଲା ରଘୁନାଥ ପାଲ୍ଲୀ ଥାନା ପୋଲିସ । ବିପୁଳ ପରିମାଣର ମଦ ଜବତ କରିବା ସହ ୫ଜଣଙ୍କୁ ଗିରଫ କରିଛି ପୋଲିସ । ବାହାର ରାଜ୍ୟର ମଦକୁ ଚୋରା ଚାଲାଣ କରି ବେଆଇନ ଭାବରେ ଆଣି ଘରେ ଏହାକୁ ପୁଣି ମିଶ୍ରିତ କରି ନକଲି ମଦ ତିଆରି କରି ମାର୍କେଟକୁ ସପ୍ଲାଇ କରୁଥିଲେ ମଦ ବେପାରୀ । ପାଞ୍ଚ ଜଣ ମଦ ମାଫିଆ ହେଉଛନ୍ତି ଶତ୍ରୁଘ୍ନ ପଶାୟତ, ରୁବେନ ମାଝୀ, ରଞ୍ଜିତ ପ୍ରସାଦ, ସାଜିଦ ହୁସେନ, ରତନେସ ଗୁପ୍ତା । ନକଲି ମଦ ପ୍ରସ୍ତୁତି ପରେ ଏହି ଅଟୋରେ ସହରର ବିଭିନ୍ନ ଢାବାକୁ ମଦ ସପ୍ଲାଇ ହେଉଥିଲା । ଏହି ଅଭିଯୁକ୍ତଙ୍କ ଲିଙ୍କ ଝାଡ଼ଖଣ୍ଡ ସମେତ ଅନ୍ୟ ରାଜ୍ୟ ମଦ ମାଫିଆଙ୍କ ସହ ଥିବାରୁ ଏ ବାବଦରେ ଅଧିକ ତଦନ୍ତ ଜାରି ରହିଛି ବୋଲି ରାଉରକେଲା ଏସ୍ ପି ମୁକେଶ କୁମାର ଭାମୁ କହିଛନ୍ତି । 

ଇଟିଭି ଭାରତ, ସୁନ୍ଦରଗଡ