ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ଉତ୍ସବମୁଖର ପୁରୀ, ସରକାରଙ୍କ ପଦକ୍ଷେପଙ୍କୁ ଭକ୍ତଙ୍କ ପ୍ରଶଂସା

Puri parikrama project ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ପୁରୀ ସହର ଉତ୍ସବ ମୁଖରିତ । ଲୋକାର୍ପଣ ଉତ୍ସବରେ ଯୋଗ ଦେବା ପାଇଁ ଦେଶ ବିଦେଶରୁ ଅନେକ ଅତିଥି ଆସିଥିବା ବେଳେ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ସରକାରଙ୍କୁ ପ୍ରଶଂସା କରିଛନ୍ତି ଭକ୍ତ । ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ଭକ୍ତମାନେ ବେଶ ଖୁସି ପ୍ରକଟ କରିଛନ୍ତି । ସାରା ବିଶ୍ୱରେ ଜଗନ୍ନାଥ ଧାମ ସାରା ପ୍ରସିଦ୍ଧ ହୋଇଥିବା ବେଳେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଦ୍ଵାରା ଭକ୍ତ ଏକ ନୂଆ ଅନୁଭୂତି ପାଇବେ ବୋଲି କହିଛନ୍ତି ଜଗନ୍ନାଥପ୍ରେମୀ । ବିଶେଷ କରି ଶ୍ରୀମନ୍ଦିର ପ୍ରଦକ୍ଷଣ ପାଇଁ ପ୍ରଶସ୍ତ ରାସ୍ତା, ସୁନ୍ଦର ଫୁଲ ବଗିଚା, ମଠ ମନ୍ଦିରର ପୁନରୁଦ୍ଧାର, ଉତ୍କଳୀୟ କାରୁକାର୍ଯ୍ୟ, ପାନୀୟ ଜଳ, ଶୌଚାଳୟ ବ୍ୟବସ୍ଥାକୁ ଭକ୍ତମାନେ ବେଶ ପ୍ରଶଂସା କରିଛନ୍ତି । 

ଏହାମଧ୍ୟ ପଢନ୍ତୁ.. ଶ୍ରୀମନ୍ଦିର ପରିକ୍ରମା ପ୍ରକଳ୍ପର ରିଭର୍ସ ପେଣ୍ଟିଂ କଲେ ପୁରୀ ଚିତ୍ରଶିଳ୍ପ

ତେବେ ଏନେଇ ଭକ୍ତଙ୍କ ସହ ଅଧିକ ଆଲୋଚନା କରିଛନ୍ତି ପୁରୀରୁ ଆମ ପ୍ରତିନିଧି ଶକ୍ତି ପ୍ରସାଦ ମିଶ୍ର ।

ଇଟିଭି ଭାରତ, ପୁରୀ