Watch Video: ମଟନ ତରକାରୀ ଭିତରୁ ବାହାରିଲା ମଲା ମୂଷା

ଚଣ୍ଡିଗଡ଼: ମଟନ ତରକାରୀ ଭିତରୁ ବାହାରିଲା ମଲା ମୂଷା । ପଞ୍ଜାବ ଲୁଧିଆନାର ବେଶ ଜଣାଶୁଣା ରେସ୍ତୋରାଁରୁ ଖାଦ୍ୟ ଭିତରୁ ଅଖାଦ୍ୟ ବାହାରିଛି । ଏହି ଭିଡିଓଟି ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହି ଭିଡିଓକୁ ଜଣେ ସୋସିଆଲ ମିଡିଆ ୟୁଜର୍ସ ଟ୍ବିଟରରେ ସେୟାର କରିଛନ୍ତି । ଭିଡିଓରେ ଦେଖିବାକୁ ମିଳିଛି ଯେ ତାଙ୍କୁ ପ୍ଲେଟରେ ସର୍ଭ ହୋଇଥିବା ତରକାରୀ ଭିତରୁ ବାହାରିଛି ଏକ ମଲା ମୂଷା । ଲୁଧିଆନା ପ୍ରକାଶ ଢାବାରେ ଏପରି ଘଟଣା ଦେଖିବାକୁ ମିଳିଛି । ମିଳିଥିବା ସୂଚନା ଅନୁସାରେ ଏକ ପରିବାର ଢାବାରେ ଭୋଜନ କରିବାକୁ ଯାଇଥିବା ବେଳେ ମଟନ ମଗାଇଥିଲେ । ହେଲେ ତରକାରୀ ଭିତରୁ ବାହାରିଥିଲା ରୋଷ୍ଟେଡ ମୂଷା । ତେବେ ଘଟଣା ସମ୍ପର୍କରେ ପ୍ରତିକ୍ରିୟା ରଖିଛନ୍ତି ଢାବା ମାଲିକ ହନି । ସେ କହିଛନ୍ତି, " ମୁଁ ଏଠାରେ ଗତ 7 ବର୍ଷ ଧରି ଢାବା ଲଚାଉଛି । ଏଠାରେ ସ୍ବଚ୍ଛତା ଉପରେ ସବୁବେଳେ ଧ୍ୟାନ ଦିଆଯାଏ । ସ୍ବଚ୍ଛ ପରିବେଶ ମଧ୍ୟରେ ରୋଷେଇ ହୁଏ । ଏହା କେବଳ ଆମକୁ ବଦନାମ କରିବାକୁ ଉଦ୍ୟମ । ପୂର୍ବରୁ ଜଣେ ଗ୍ରାହକଙ୍କ ସହିତ ଆମର ପାଟିତୁଣ୍ଡ ହୋଇଥିଲା । ସେ ଏପରି ଧମକ ମଧ୍ୟ ଦେଇଥିଲେ । ସେ ଏହି ଷଡ଼ଯନ୍ତ୍ର କରିଥିବା ମୁଁ ସନ୍ଦେହ କରୁଛି ।"