World Cup 2023: ଭାରତର ବିଜୟ କାମନା କରି କେଦାରନାଥରେ ଋଷବ ପନ୍ତଙ୍କ ପୂଜାର୍ଚ୍ଚନା

ଡେରାଡୁନ:  ICC କ୍ରିକେଟ ବିଶ୍ବକପକୁ ଆଉ ମାତ୍ର ଗୋଟିଏ ଦିନ ବାକି ରହିଛି । ଆସନ୍ତାକାଲିଠୁ ଅର୍ଥାତ ଅକ୍ଟୋବର 5 ତାରିଖରୁ ଆରମ୍ଭ ହେବ ବଲ ବ୍ୟାଟର ମହାଯୁଦ୍ଧ କ୍ରିକେଟ ବିଶ୍ବକପ 2023 । ଏହା ପୂର୍ବରୁ ମନ୍ଦିରରେ ପୂଜାର୍ଚ୍ଚନା କରିଛନ୍ତି ଭାରତୀୟ କ୍ରିକେଟର ଋଷବ ପନ୍ତ । ଭାରତୀୟ କ୍ରିକେଟର ତଥା ୱିକେଟକିପର ଋଷବ ପନ୍ତ ଭଗବାନ କେଦାରନାଥ ଦର୍ଶନ କରିଛନ୍ତି । ଏହା ସହିତ ବଦ୍ରିନାଥ ଦର୍ଶନ କରି ଆରମ୍ଭ ହେବାକୁ ଥିବା ବିଶ୍ବକପରେ ଟିମ୍‌ ଇଣ୍ଡିଆର ବିଜୟ କାମନା କରି ପୂଜାର୍ଚ୍ଚନା କରିଛନ୍ତି ପନ୍ତ । ଅଧିକ ସୂଚନା ଦେଇ ବଦ୍ରିନାଥ ମିଡିଆ ପ୍ରଭାରୀ କହିଛନ୍ତି, କ୍ରିକେଟର ଋଷବ ପନ୍ତ ବଦ୍ରୀନାଖ ଦର୍ଶନ ପରେ ହେଲିକପ୍ଟରରେ କେଦାରନାଥ ପହଞ୍ଚିଥିଲେ । ସେଠାରେ ତାଙ୍କୁ ସ୍ବାଗତ କରାଯାଇଥିଲା । ମନ୍ଦିର ସମିତି ପକ୍ଷରୁ ଋଷବଙ୍କୁ ପ୍ରସାଦ, ଋଦ୍ରାକ୍ଷ ମାଳା ଏବଂ ବିଭୂତି ଭେଟି ଦିଆଯାଇଥିଲା । ଏହି ସମୟରେ କେଦାରନାଥ ମନ୍ଦିରର ପରିସରରେ ତାଙ୍କ ପ୍ରଶଂସକଙ୍କ ଭିଡ଼ ଲାଗିଥିଲା । ବିଶ୍ବକପରେ ଭାରତର ସଫଳତା କାମନା କରି ପନ୍ତ ପୂଜାର୍ଚ୍ଚନା କରିଥିବା ଜଣାପଡ଼ିଛି ।