Watch Video: ଗାଈଠାରୁ ସ୍ତନ୍ୟପାନ କରୁଛି ମଣିଷ ଛୁଆ

ଅମରାବତୀ: ମମତା ବୁଝେନା ପର ଆପଣାର । ବାଛ ବିଚାର ନକରି ଛୁଆ ପାଇଁ ଅମୃତ ଝର ଝରାଏ ମାଆ । ସେଥିପାଇଁ ତ ସେ ମଣିଷ ଛୁଆ ବୋଲି ବିଚାର ନକରି କୋମଳମତି ଶିଶୁକୁ ସ୍ତନ୍ୟପାନ କରାଉଛି ଗାଈ । ଶିଶୁଟି ମଧ୍ୟ ଖୁବ୍ ଆବିଳତାର ସହ ଗୋମାତାଠାରୁ କ୍ଷୀର ପିଉଛି । ମାତୃତ୍ବର ଏହି ନିଆରା ଦୃଶ୍ୟ ସାମ୍ନାକୁ ଆସିଛି ଆନ୍ଧ୍ରପ୍ରଦେଶର କୁର୍ନୋଲ ଜିଲ୍ଲାରୁ । ଭିଡିଓରେ ଦେଖାଯାଉଛି, ଛୋଟି ପିଲାଟି ବନ୍ଧା ହୋଇଥିବା ଏକ ଗାଈ ପାଖରେ ଖେଳୁଛି । ବେଳେବେଳେ ଦୌଡି ଯାଇ ଗାଈ ଠାରୁ ସ୍ତନ୍ୟପାନ କରୁଛି । ଗାଈ ମଧ୍ୟ ନୀରବରେ ଛିଡା ହୋଇ ପିଲାଟି ମୁହଁରେ ଅମୃତ ଧାରା ଢାଳି ଦେଉଛି । ଏହି ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।