ପବିତ୍ର ରାମନବମୀରେ ମର୍ଯ୍ୟାଦା ପୁରୁଷଙ୍କୁ ଦର୍ଶନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ଭୁବନେଶ୍ବର: ପବିତ୍ର ରାମ ନବମୀରେ ମର୍ଯ୍ୟାଦା ପୁରୁଷଙ୍କୁ ଦର୍ଶନ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଭୁବନେଶ୍ୱରର ରାମ ମନ୍ଦିରରେ ପ୍ରଭୁଙ୍କ ଦର୍ଶନ କରି କୃପା ଭିକ୍ଷା କରିଛନ୍ତି । ପୂଜାର୍ଚ୍ଚନା ସହ ପ୍ରଭୁଙ୍କ ସାନ୍ନିଧ୍ଯ ନେଇଛନ୍ତି । ଦର୍ଶନ ପରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି, "ଆଜି ପବିତ୍ର ରାମ ନବମୀ। ପୁରା ହିନ୍ଦୁ ସମାଜ ମର୍ଯ୍ୟାଦା ପୁରୁଷୋତ୍ତମଙ୍କୁ ଶ୍ରଦ୍ଧାରେ ସ୍ମରଣ କରୁଛି । ଶ୍ରଦ୍ଧାରେ ସାରା ଭାରତ ବର୍ଷରେ ଭବ୍ୟ ମହୋତ୍ସବ ମଧ୍ୟ ପାଳନ କରୁଛନ୍ତି । ଓଡିଶା ଗସ୍ତରେ ଆଜି ମତେ ସୌଭାଗ୍ୟ ମିଳିଲା ପ୍ରଭୁଙ୍କର ଦର୍ଶନ ପାଇଁ । ପ୍ରଭୁ ରାମଚନ୍ଦ୍ର, ମାତା ସୀତା, ଲକ୍ଷ୍ମଣ ପ୍ରଭୁ ହନୁମାନଙ୍କ ଦର୍ଶନ ମିଳିଲା ।" ଏହି ପରିପ୍ରେକ୍ଷୀରେ ଦେଶରେ ମର୍ଯ୍ୟାଦା ପୁରୁଷଙ୍କ ଆଦର୍ଶରେ ସମସ୍ତେ ଅନୁପ୍ରାଣିତ ହୁଅନ୍ତୁ ବୋଲି ଧର୍ମେନ୍ଦ୍ର ପ୍ରଧାନ କହିଛନ୍ତି । ସତ୍ୟ ପାଇଁ ଲଢେବରେ ପ୍ରଭୁ ରାମଚନ୍ଦ୍ର ସମସ୍ତଙ୍କ ପ୍ରେରଣା ହୁଅନ୍ତୁ। ଭଗବାନଙ୍କ କୃପା ସମଗ୍ର ଦେଶ ତଥା ହିନ୍ଦୁ ସମାଜ ପ୍ରତି ଥାଉ ଏହା ହିଁ କାମନା  ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।