ହୁତୁହୁତୁ ହୋଇ ଜଳିଗଲା ବସ୍, ଅଳ୍ପକେ ବାର୍ତ୍ତିଲେ ଡ୍ରାଇଭର

ଭବାନୀପାଟଣା: ହୁତୁହୁତୁ ହୋଇ ଜଳିଗଲା ବସ । ଅଳ୍ପକେ ବର୍ତ୍ତିଲେ ଗାଡି ଚାଳକ । କଳାହାଣ୍ଡି ଜିଲ୍ଲା ଲାଞ୍ଜିଗଡ଼ସ୍ଥିତ ବେଦାନ୍ତ କମ୍ପାନୀ ନିକଟରେ ବସରେ ଲାଗିଥିବା ଜଣାପଡ଼ିଛି  । ତେବେ ବସଟି ବେଦାନ୍ତ କମ୍ପାନୀରେ କାମ କରୁଥିବା କର୍ମଚାରୀମାନଙ୍କୁ ଆଣିବାକୁ ଯାଇଥିବା ସମୟରେ ହଠାତ୍ ନିଆଁ ଲାଗିଯାଇଥିଲା  ।   ଘଟଣାସ୍ଥଳରେ କମ୍ପାନୀର ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ । କିନ୍ତୁ ସେତେବେଳେକୁ ବସଟି ସମ୍ପୂର୍ଣ୍ଣ ଜଳି ଯାଇଥିଲା ।  ଏ ସମ୍ପର୍କରେ ବେଦାନ୍ତ ଲିମିଟେଡ୍ ଲୋକ ସମ୍ପର୍କ ବିଭାଗର ମୁଖ୍ୟ ଅଂଶୁମାନ ଏନ  ବସ୍ ଜଳିଯିବା ଘଟଣାକୁ ସ୍ବୀକାର କରିବା ସହିତ ଏହା ଏକ ପୁରୁଣା ବସ୍ ଏବଂ ସର୍ଟସର୍କିଟ ଯୋଗୁଁ ଏଥିରେ ନିଆଁ ଲାଗିଯାଇଥିଲା । ହେଲେ ଏଥିରେ କାହାର କିଛି କ୍ଷୟକ୍ଷତି ହୋଇନାହିଁ ବୋଲି ସେ କହିଛନ୍ତି ।  

ଇଟିଭି ଭାରତ, କଳାହାଣ୍ଡି