ଅଦ୍ଭୁତ କ୍ୟାଚ, ଆଉଟ ନା ନଟ ଆଉଟ ?

ହାଇଦ୍ରାବାଦ: ବର୍ଷ ଆରମ୍ଭରୁ କ୍ରିକେଟ ମଇଦାନରେ ଦେଖିବାକୁ ମିଳିଛି ଅଦ୍ଭୁତ କ୍ୟାଚ । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଅଷ୍ଟ୍ରେଲିଆର ବିଗ୍ ବେସ୍ ଲିଗ୍‌ର ବ୍ରିସବେନ ହିଟ ଏବଂ ସିଡନୀ ସିକ୍ସର୍ସ ମଧ୍ୟରେ ଖେଳାଯାଇଥିବା ଏକ ମୁକାବିଲାରେ ଏହି କ୍ୟାଚକୁ ଧରିଥିଲେ ମାଇକେଲ ନାସିର । କ୍ରିଜ ଉପରେ ଥିବା ବ୍ୟାଟରଙ୍କୁ ଆଉଟ କରିବା ପାଇଁ ବଲକୁ ତଳେ ପକାଇବାକୁ ଦେଇନଥିଲେ ନାସିର । ପ୍ରଥମେ ବାଉଣ୍ଡ୍ରୀ ଏପଟେ ବଲକୁ କ୍ୟାଚ ଧରି ଉପରକୁ ପକାଇଥିଲେ । ନିଜ ସନ୍ତୁଳନ ବିଗିଡିବାରୁ ବାଉଣ୍ଡ୍ରୀ ସେପଟକୁ ଦୁଇ ମିଟର ଯାଇ ପୁଣି ଡେଇଁ (ପଦ ଉପରେ ଥିଲା ) କ୍ୟାଚକୁ ବାଉଣ୍ଡୀ ଏପଟକୁ ପକାଇ କ୍ୟାଚ କରିଥିଲେ । ଯାହାକୁ ପରବର୍ତ୍ତୀ ସମୟରେ ଆଉଟ ଦେଇଥିଲେ ଅମ୍ପାୟାର । ଏହା ପରେ ସୋସିଆଲ ମିଡିଆରେ ଭିଡିଓଟି ପ୍ରବଳ ଭାଇରାଲ ହେବା ସହିତ ୟୁଜର୍ସର କ୍ୟାଚ ଆଉଟ୍ କି ନଟ୍ ଆଉଟ୍ ପ୍ରଶ୍ନ କରିଛନ୍ତି ।