ପଦ୍ମ ଛାଡ଼ି ପୁଣି ଶଙ୍ଖ ଫୁଙ୍କିଲେ ଦୁର୍ଗା ମାଧବ, ସମର୍ଥକଙ୍କ ସହ କଲେ ଘର ବାହୁଡ଼ା

ଭୁବନେଶ୍ବର: ଶଙ୍ଖ ଭବନରେ ମିଶ୍ରଣ ପର୍ବ । ଅନୁଗୋଳ ଜିଲ୍ଲାର ବରିଷ୍ଠ ନେତା ଦୁର୍ଗା ମାଧବ ପ୍ରଧାନଙ୍କ ଘର ବାହୁଡ଼ା । ବିଜେଡିକୁ ଫେରିଲେ ଦୁର୍ଗା ମାଧବ । ଭାରତୀୟ ଜନତା ପାର୍ଟି ଛାଡି ଆଜି ପୁଣି ନିଜ ସମର୍ଥକଙ୍କ ସହ ଶଙ୍ଖ ଭବନରେ ବିଜେଡିରେ ମିଶିଲେ ଦୁର୍ଗା ମାଧବ । ନିର୍ବାଚନ ଯେତିକି ପାଖେଇ ଆସୁଛି, ଦଳ ଡିଆଁ ରାଜନୀତି ସେତିକି ଜୋର ଧରିଛି । ଶାସକ ଦଳକୁ ଭରସା କରି ବିଜେଡିରେ ସାମିଲ ହେଉଛନ୍ତି ବିଭିନ୍ନ ଦଳର ନେତା ଓ କର୍ମୀ । ଏହି କ୍ରମରେ ଆଜି ଭୁବନେଶ୍ବର ଶଙ୍ଖ ଭବନରେ ବିଜେଡିରେ ଆନୁଷ୍ଠାନିକ ଭାବେ ସାମିଲ ହୋଇଛନ୍ତି ବିଜେପି ନେତା ଦୁର୍ଗା ମାଧବ ପ୍ରଧାନ । ଅନୁଗୋଳ ବିଜେପିର ପୂର୍ବତନ ଜିଲ୍ଲା ପରିଷଦ ପ୍ରାର୍ଥୀ ମଧ୍ୟ ଥିଲେ ଦୁର୍ଗା ମାଧବ । ଅନୁଗୋଳ ଜିଲ୍ଲା ପର୍ଯ୍ୟବେକ୍ଷକ ପ୍ରତାପ ଜେନା, ଜିଲ୍ଲାର ବରିଷ୍ଠ ନେତା ରଜନୀକାନ୍ତ ସିଂହ ଓ ବ୍ରଜ ପ୍ରଧାନଙ୍କ ଉପସ୍ଥିତିରେ ବିଜେଡିରେ ପୁନର୍ବାର ସାମିଲ ହୋଇଛନ୍ତି ଦୁର୍ଗା ମାଧବ ।

ଇଟିଭି ଭାରତ, ଭୁବନେଶ୍ବର