ଟ୍ରେନଲଲାଇନ କଡରେ ବ୍ରାଉନସୁଗାର ଡିଲ, ଭୁବନେଶ୍ବରରୁ ଧରାପଡିଲା ପୁରୀ ବେପାରୀ

ଭୁବନେଶ୍ବର: ରେଳଲାଇନ କଡରେ ବ୍ରାଉନସୁଗାର ଡିଲ। ପୁରୀରୁ ବେପାରୀ ଆସି ଭୁବନେଶ୍ବରରେ ବିକ୍ରି କରୁଥିଲେ । କମିଶନରେଟ ପୋଲିସ ଜାଲରେ ପଡିଲେ ଦୁଇ ବ୍ରାଉନସୁଗାର ବେପାରୀ । ରାଜଧାନୀ ଭୁବନେଶ୍ବରର ସହିଦ ନଗର ଅଞ୍ଚଳର ମଞ୍ଚେଶ୍ବର ନିକଟସ୍ଥ ରେଳ ଲାଇନ ନିକଟରେ ସ୍ପେଶାଲ ସ୍କ୍ବାଡ ଓ ସହୀଦନଗର ଥାନା ପୋଲିସ ମିଳିତ ଅପରେସନବେଳେ ଧରାପଡିଲେ ବ୍ରାଉନସୁଗାର ବେପାରୀ । ବାଇକ ଯୋଗେ ପୁରୀରୁ ଆସି ବିକ୍ରି ବେଳେ ଦୁଇଜଣଙ୍କୁ ଗିରଫ କରିଛି ପୋଲିସ। ସେମାନେ ହେଲେ ପୁରୀର ଗୋଡିଶାଗଡର ଧୀରଜ ଜୟସିଂ, ନିଂକୁଞ୍ଜ ଜଗଦେବ। ସେମାନଙ୍କ ଠାରୁ ୧୩୦ ଗ୍ରାମ ଜବତ କରିବା ସହ ଗୋଟିଏ ବାଇକ OD02BF1757 ଜବତ କରିଛି ପୋଲିସ । ତେବେ ସେମାନେ ପୁରୀର ବେପାରୀ କିପରି ଭୁବନେଶ୍ବରରେ ଆସି ବିକୁଥିଲେ। କେଉଁଠାରୁ ଆଣୁଥିଲେ ଏବଂ କିଏ ଏହି କାରବାର ସଂପୃକ୍ତ ଓ କେତେ ଦୂର ଚେର ଲମ୍ବିଛି, ସେ ନେଇ ତଦନ୍ତ ଜାରି ରଖିଛି ପୋଲିସ ଟିମ ।