ଲକଡାଉନରେ ଚାଷୀଙ୍କୁ ଭିନ୍ନ ଉପାୟରେ ସାହାଯ୍ୟ କରୁଛନ୍ତି ପଞ୍ଜାବର ମଞ୍ଜୁର ଅଲି

ଅମ୍ରିତସର: କୋରୋନା ମହାମାରୀ ପାଇଁ ସାରାଦେଶ ଏବେ ଲକଡାଉନ ସ୍ଥିତିରେ । ଏହି କାରଣରୁ ସମସ୍ତ ବ୍ୟବସାୟ ବନ୍ଦ ହୋଇ ପଡ଼ିଛି । ଅନ୍ୟପକ୍ଷରେ ଗହମ ଅମଳ ଋତୁ ଆରମ୍ଭ ହୋଇଯାଇଥିବାରୁ କୃଷକମାନଙ୍କର ଟ୍ରାକ୍ଟର-ଟ୍ରଲିର ବହୁତ ଆବଶ୍ୟକତା ଥାଏ । ଯଦି ଏହି ସମୟରେ ସେମାନଙ୍କ ଯାନବାହନ ଖରାପ ହୋଇଯାଏ, ତେବେ ଲକଡାଉନ କାରଣରୁ ଦୋକାନ ସବୁ ବନ୍ଦ ଥିବାରୁ ଗାଡ଼ି ସଜାଡ଼ିବାରେ ବହୁତ ଅସୁବିଧାର ସମ୍ମୁଖୀନ ହୋଇଥାନ୍ତି ଚାଷୀ । କିନ୍ତୁ ଏଭଳି ସମୟରେ ସହାୟତାର ହାତ ବଢାଇଛନ୍ତି ପଞ୍ଜାବର ମଞ୍ଜୁର ଅଲି । ସେ ନିଜ ଗାଡ଼ିରେ ଗାଡ଼ି ସଜାଡ଼ିବାର ସମସ୍ତ ସାରଞ୍ଜମ ରଖି ଏକ ଉଠା ଦୋକାନ କରିଛନ୍ତି । ଯଦ୍ବାରା ଯେକୋଣସି ସମୟରେ ସେ ଯାତ୍ରୀଙ୍କୁ ସହଜରେ ସାହାଯ୍ୟ କରିପାରିବେ ।