ଜଗତ କଲ୍ୟାଣ ପାଇଁ ବଡଦାଣ୍ଡରେ ଦୀପ ଦାନ, ଦେଖନ୍ତୁ ଭିଡିଓ...

ପୁରୀ: ଶ୍ରୀମନ୍ଦିରରେ ପାଳିତ ହେଉଥିବା ଦେବଦୀପାବଳିର ପ୍ରତିପଦା ତିଥିରେ ହୋଇଛି ସାମୂହିକ ଦୀପଦାନ । ଶ୍ରୀମନ୍ଦିରରେ ମହାପ୍ରଭୁ ଏହି ଅବସରରେ ଶ୍ରାଦ୍ଧ ଓ ଦୀପଦାନ କରିବାର ପରମ୍ପରା ରହିଛି । ତେବେ କୋରୋନା ସଂକ୍ରମଣରୁ ରକ୍ଷା ପାଇବା ସହ ଜଗତ ମଙ୍ଗଳ ପାଇଁ ମଙ୍ଗଳବାର ସିଂହଦ୍ବାରରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ଦୀପଦାନ କରାଯାଇଥିଲା । ଓଡିଶା ଇଣ୍ଟର ନ୍ୟାସନାଲ ସେଣ୍ଟର ପକ୍ଷରୁ ଏହି ଦୀପଦାନ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏଥିରେ ବଡଦାଣ୍ଡରେ ଥିବା ସମସ୍ତ ଦୋକାନୀ, ବ୍ୟବସାୟିକ ପ୍ରତିଷ୍ଠାନ ମଧ୍ୟ ଭାଗ ନେଇ ଦୀପଦାନ କରିଥିଲେ । ବଡଦାଣ୍ଡ ରେ ଏକ ସୁନ୍ଦର ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ