Municipal Election: ପୁରୀରେ ପ୍ରାର୍ଥୀଙ୍କ ନିର୍ବାଚନ ପ୍ରଚାର ଶେଷ

ପୁରୀ: ପୌର ନିର୍ବାଚନ ପ୍ରଚାର ଶେଷ ହୋଇଛି । ପ୍ରଚାରର ଶେଷ ଦିନରେ ଘମାଘୋଟ ପ୍ରଚାର କରିଛନ୍ତି ବିଭିନ୍ନ ଦଳର ପ୍ରାର୍ଥୀ । ପୁରୀ ଜିଲ୍ଲାର କୋଣାର୍କ, ନିମାପଡା ଓ ପିପିଲି ଏନଏସିରେ ୨୪ତାରିଖରେ ପୌର ନିର୍ବାଚନ ହେବ । ବିଜେପି ଓ କଂଗ୍ରେସ ଦଳ ଶାସକ ଦଳର ଦୁର୍ନୀତି, ଅରାଜକତା, ବିକାଶ କାର୍ଯ୍ୟ ଅବହେଳା ପ୍ରସଙ୍ଗକୁ ନେଇ ନିର୍ବାଚନ ଲଢ଼ୁଛନ୍ତି । ଏପଟେ ବିଜେଡି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ନିର୍ମଳ ଶାସନ, ବିଭିନ୍ନ ଜନ କଲ୍ୟାଣକାରୀ ଯୋଜନାକୁ ନେଇ ନିର୍ବାଚନ ବୈତରଣୀ ପାର ହେବାକୁ ଲକ୍ଷ୍ୟ ରଖିଛନ୍ତି । ତେବେ ଶାସକ ବିଜେଡି ଏକାଧିକ ବିଦ୍ରୋହୀ ପ୍ରାର୍ଥୀ ଥିବାରୁ ନିର୍ବାଚନକୁ ନେଇ ଚିନ୍ତାରେ ପଡ଼ି ଯାଇଛି ବିଜେଡି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ