Municipal Election: ଚାନ୍ଦାବାଲିରେ ପ୍ରାର୍ଥୀଙ୍କ ଜୋରଦାର ପ୍ରଚାର

ଭଦ୍ରକ: ମାର୍ଚ୍ଚ ୨୪ ତାରିଖରେ ହେବ ପୌର ନିର୍ବାଚନ ପାଇଁ ମତଦାନ । ଏଥିପାଇଁ ଚାନ୍ଦବାଲିରେ ଏନଏସିରେ ତିନି ପ୍ରମୁଖ ରାଜନୈତିକ ଦଳ ପକ୍ଷରୁ ଭୋଟରଙ୍କୁ ମନାଇବାକୁ ଶେଷ ପ୍ରୟାସ କରାଯାଇଛି । ପ୍ରାର୍ଥୀମାନେ ଘରକୁ ଘର ବୁଲି ଭୋଟ ଭିକ୍ଷା କରିଛନ୍ତି । ତେବେ ଚଳିତ ଥର ଚାନ୍ଦବାଲି ଏନଏସିର ପ୍ରଥମ ନିର୍ବାଚନ ହୋଇଥିବାରୁ ୩ ଦଳୀୟ କର୍ମୀ ଓ ନେତା ନିଜ ନିଜ ଦଳକୁ ଜିତାଇବାକୁ ଲାଗଇ ଦେଇଛନ୍ତି ସମସ୍ତ ବଳ । ଚାନ୍ଦବାଲି ସହରରେ ଶାସକ ଦଳ ପକ୍ଷରୁ ବହୁ ବିକାଶ ମୂଳକ କାର୍ଯ୍ୟକୁ ଆଧାର କରି ସମସ୍ତ ୱାର୍ଡର କାଉନଲସିଲର ଓ ଅଧ୍ୟକ୍ଷା ପ୍ରାର୍ଥୀନୀ ଶାନ୍ତିଲତା ସେଠୀଙ୍କୁ ସଫଳତା ମିଳିବ ବୋଲି ଚାନ୍ଦବାଲି ବିଧାୟକ ବ୍ୟମକେଶ ରାୟ ଦୃଢୋକ୍ତି ପ୍ରକାଶ କରିଛନ୍ତି । ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ