Ram Navami: ଶ୍ରୀରାମ ଦର୍ଶନ କଲେ ବିଜେପିର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା

ଭୁବନେଶ୍ବର: ଆଜି ପବିତ୍ର ରାମନବମୀ । ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଚନ୍ଦ୍ରଙ୍କ ଜନ୍ମଉତ୍ସବ ପାଳନ କରୁଛି ସାରା ଦେଶ । ଏ ଅବସରରେ ବିଜେପି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ପବିତ୍ର ରାମନବମୀରେ ଭୁବନେଶ୍ବର ରାମ ମନ୍ଦିର ଆସି ଶ୍ରୀରାମଙ୍କ ଦର୍ଶନ କରିଛନ୍ତି । ଦର୍ଶନ କରି ଶ୍ରୀରାମଙ୍କ କୃପା ଲାଭ କରିବା ସହ ସମସ୍ତ ଭକ୍ତଙ୍କ କଲ୍ୟାଣ କାମନା କରିଛନ୍ତି । ଏହାସହ ୫୦୦ ବର୍ଷ ପରେ ଭାରତ ବର୍ଷରେ ଶ୍ରୀରାମ ମନ୍ଦିର ହେଉଥିବାରୁ ରାମ ଭକ୍ତଙ୍କ ଭିତରେ ଅଧିକ ଖୁସି ଓ ଉତ୍ସାହ ଦେଖିବାକୁ ମିଳିଛି ବୋଲି କହିଛନ୍ତି ବୈଜୟନ୍ତ । ଏନେଇ ସେ ପ୍ରତିକ୍ରିୟା ମଧ୍ୟ ରଖିଛନ୍ତି ଆଜି ସୌଭାଗ୍ୟ ଯେ ମୁଁ ରାମ ନବମୀରେ ଶ୍ରୀରାମଙ୍କ ଦର୍ଶନ କଲି । ଆଉ ପୁରା ପରିବେଶ ରାମମୟ ହୋଇଥିବା ବେଳେ ମୁଁ ମଧ୍ୟ ପ୍ରଭୁଙ୍କ ସାନିଧ୍ୟ ଲାଭ କରି ଆନନ୍ଦ ଲାଭ କଲି ବୋଲି କହିଛନ୍ତି ବୈଜୟନ୍ତ । ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ