Municipal Election: ଝାରସୁ଼ଗୁଡାରେ ବିଜେପିର ପ୍ରଚାର

ଝାରସୁଗୁଡା: ପୌର ନିର୍ବାଚନକୁ ନେଇ ଜମୁଛି ପ୍ରଚାର ମୈଦାନ । ଏପଟେ ନୁଆ ନୁଆ ମୁଦ୍ଦା ନେଇ ସରକାରଙ୍କୁ ଘେରି ଭୋଟରଙ୍କୁ ଆକୃଷ୍ଟ କରିବାରେ ଲାଗିଛନ୍ତି ପ୍ରାର୍ଥୀ । ତେବେ ଝାରସୁଗୁଡା ପୌରାଞ୍ଚଳର ୱାର୍ଡ ନଂ ୨୩ ଝୁପୁଡିପଡା ବସ୍ତି ବାସିନ୍ଦାଙ୍କୁ ବିସ୍ଥାପିତ ହେବାର ୮ ବର୍ଷ ହୋଇଥିଲେ ମଧ୍ଯ ସେମାନଙ୍କୁ ସରକାରୀ ଯୋଜନା ହିସାବରେ ଜମି ଦିଆ ଯାଇନଥିବା ଅଭିଯୋଗ କରିଛନ୍ତି ବିରୋଧୀ । ତେବେ ଏହାକୁ ନିର୍ବାଚନୀ ମୁଦ୍ଦା କରି ବିରୋଧୀ ଭୋଟର ନିକଟକୁ ଯାଇ ଭୋଟ ଭିକ୍ଷା କରୁଛନ୍ତି । ଏଥିସହ ୱାର୍ଡ ନଂ ୨୪ରେ ରହୁଥିବା ଝୁପୁଡି ଘରେ ରହୁଥିବା ବାସିନ୍ଦାଙ୍କୁ ଜମି ଯୋଗାଇ ଦେବାକୁ କହି ଭୁଆଁ ବୁଲାଉଥିବା ଅଭିଯୋଗ କରିଛି ବିଜେପି । ଏହାକୁ ନିର୍ବାଚନୀ ମୁଦ୍ଦା କରିବା ସହ ବିଜେପି ଏହି ସବୁ ସ୍ଥାନରେ ଆଜି ଜୋରଦାର ପ୍ରଚାର କରିଛି । ଝାରସୁଗୁଡାରୁ ଗୁରୁଚରଣ ବାଘ, ଇଟିଭି ଭାରତ