Municipal Election: ବିଜେଡି ଅଧ୍ୟକ୍ଷ ପ୍ରାର୍ଥୀଙ୍କ ଜୋରଦାର ପ୍ରଚାର

ରାଇରଙ୍ଗପୁର: ପୌର ନିର୍ବାଚନ ଆଉ ହାତରେ ମାତ୍ର ୨ଦିନ ରହିଥିବା ବେଳେ ରାଇରଙ୍ଗପୁର ପୌର ପରିଷଦ ଅଧ୍ୟକ୍ଷ ପଦ ହାତେଇବାକୁ ୪ଟି ରାଜନୈତିକ ଦଳ ପ୍ରସ୍ତୁତ କରୁଛନ୍ତି ରଣକୌଶଳ । ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ପୌର ପରିଷଦ ପାଇଁ ବିଜେଡି ଦଳ ପକ୍ଷରୁ ପ୍ରଚାରକୁ ଜୋରଦାର କରାଯାଇଛି । ତେବେ ୧୫ଟି ୱାର୍ଡରେ ଘରକୁ ଘର ପ୍ରଚାର କରୁଛନ୍ତି ବିଜେଡି ଅଧ୍ୟକ୍ଷ ପ୍ରାର୍ଥୀ ଅଭିଷେକ ପଟ୍ଟନାୟକ । ଏଥିସହ କାଉନସିଲର ପ୍ରାର୍ଥୀମାନେ ମଧ୍ୟ ଭୋଟ ଭିକ୍ଷା କରୁଛନ୍ତି । ତେବେ ବିଗତ ୨୫ ବର୍ଷ କାଳ ବିଜେପି ଦଖଲରେ ରାଇରଙ୍ଗପୁର ପୌର ପରିଷଦ ରହିଥିଲା । ଦୀର୍ଘ ସମୟ ଧରି ରାଇରଙ୍ଗପୁରରେ ବିଜେପି ଦଳ ଜସାଧାରଣଙ୍କୁ ଭୁଆଁ ବୁଲେଇବା ଓ ଦୁର୍ନୀତି ଛଡ଼ା କିଛି ଉନ୍ନୟନମୂଳକ କାର୍ଯ୍ୟ କରିନଥିବା ବିଜେଡ଼ି ଅଧ୍ୟକ୍ଷ ପ୍ରାର୍ଥୀ କହିଛନ୍ତି । ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପରେ ଜନସାଧାରଣଙ୍କ ଆସ୍ଥା ଓ ବିଶ୍ବାସ ରହିଛି । ଚଳିତ ପୌର ନିର୍ବାଚନରେ ଜନସାଧାରଣ ପରିବର୍ତ୍ତନ ଚାହୁଁଥିବା ସହ ରାଇରଙ୍ଗପୁର ପୌରପରିଷଦ ଅଧ୍ୟକ୍ଷ ପଦରେ ବିଜେଡି ଦଳରୁ ନିଜେ ଅଭିଷେକ ପଟ୍ଟନାୟକ ଓ ବିଜେଡିର ସମସ୍ତ କାଉନସିଲର ପ୍ରାର୍ଥୀ ବିଜୟ ଲାଭ କରିବେ ବୋଲି ସେ କହିଛନ୍ତି । ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ