Panchayat Poll: ଯାଜପୁରରେ ବିଜେଡିର ଜୋରଦାର ପ୍ରଚାର

ଯାଜପୁର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଯାଜପୁର ଜିଲ୍ଲା ଦାନଗଦି ଏବଂ ସୁକିନ୍ଦା ବ୍ଲକରେ ଆସନ୍ତା 22 ତାରିଖରେ ଭୋଟ ଗ୍ରହଣ ହେବ । ଆଜି ଉଭୟ ବ୍ଲକରେ ଆଜି ଶେଷ ହେଉଛି ପ୍ରଚାର । ଏଥିପାଇଁ ବିଭିନ୍ନ ପଞ୍ଚାୟତ ଏବଂ ଜୋନରେ ପ୍ରାର୍ଥୀମାନେ ଆଜି ପ୍ରଚାର ଜୋରଦାର କରିଛନ୍ତି । ଏଥିସହିତ ପ୍ରାର୍ଥୀଙ୍କ ପାଇଁ ହେଭିଓ୍ବେଟ୍‌ ନେତା ମଧ୍ୟ ପ୍ରଚାର କରୁଛନ୍ତି । ତେବେ ଆଜି ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର ଜାରି ରଖିଛନ୍ତି ବିଜେଡିର ହେଭିଓ୍ବଟ୍ ନେତା । ଆଜି ପ୍ରଚାର ଶେଷ ଦିନରେ ଦାନଗଦି ବ୍ଲକ ୧୦ନଂ ଜୋନରେ ବିଜେଡି ଜିଲ୍ଲା ପରିଷଦ ପ୍ରାର୍ଥୀଙ୍କ ପାଇଁ ପ୍ରଚାର କରିଛନ୍ତି ସୁକିନ୍ଦା ବିଧାୟକ ପ୍ରୀତି ରଞ୍ଜନ ଘଡାଇ । ବିଜେଡି ନେତା ଦଳୀୟ ପ୍ରାର୍ଥୀ ଓ ସମର୍ଥକଙ୍କ ସାଥିରେ ଗାଁକୁ ଗାଁ ଯାଇ ଭୋଟ ଭିକ୍ଷା କରୁଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ବଚ୍ଛ ଶାସନ, ନିର୍ମଳ ଭାବମୂର୍ତ୍ତି ଓ ଲୋକାଭିମୁଖୀ ଯୋଜନାକୁ ମୁଦ୍ଦା କରି ଲୋକଙ୍କୁ ଭୋଟ ମାଗୁଛନ୍ତି ପ୍ରାର୍ଥୀ । ସେହିପରି ସୁକିନ୍ଦା ବ୍ଲକ ୩୮ନଂ ଜୋନର ବିଜେଡି, ବିଜେପି ଜିଲ୍ଲା ପରିଷଦ ଓ ସରପଞ୍ଚ ସମିତି ସଭ୍ୟ ପ୍ରାର୍ଥୀ, ପ୍ରାର୍ଥୀନୀ ଘରକୁ ଘର ବୁଲି ଭୋଟ ଭିକ୍ଷା କରିବା ସହିତ କେନ୍ଦ୍ର ସରକାରଙ୍କ ସଫଳତା ଓ ରାଜ୍ୟ ସରକାରଙ୍କର ବିଫଳତାକୁ ନେଇ ଲୋକଙ୍କ ପାଖକୁ ଯାଇ ଯୁବ ମୋର୍ଚ୍ଚାର ଜିଲ୍ଲା ସଭାପତି ବିଶ୍ଵଜିତ୍‌ ରାଜ ଭୋଟ ଭିକ୍ଷା କରିଛନ୍ତି । ଯାଜପୁରରୁ ଜ୍ଞାନ ରଞ୍ଜନ ଓଝା, ଇଟିଭି ଭାରତ