ବଡଗାମରେ ସେନାର ଏନକାଉଣ୍ଟର, 3 ଆତଙ୍କବାଦୀ ଲୁଚିଥିବା ସୂଚନା

ଶ୍ରୀନଗର: ଜାମ୍ମୁ ଓ କାଶ୍ମୀରରେ ଥମୁନାହିଁ ଆତଙ୍କବାଦୀଙ୍କ କାର୍ଯ୍ୟକଳାପ । ବାରମ୍ବାର ଘାଟିରେ ସେନା ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ଖବର ସାମ୍ନାକୁ ଆସୁଛି । ଏ ପରିସ୍ଥିତିରେ ସୋମବାର ବଡଗାମର କାଓସା ଖାଲିସା ଅଞ୍ଚଳରେ ପୁନର୍ବାର ଏନକାଉଣ୍ଟର ଆରମ୍ଭ ହୋଇଛି । 2 ରୁ 3 ଜଣ ଆତଙ୍କବାଦୀ ଲୁଚି ରହିଥିବା ନେଇ ଅନୁମାନ କରାଯାଉଛି । ତେବେ ବର୍ତ୍ତମାନ ସୂଚନା ଅନୁସାରେ ଏହି ଅଞ୍ଚଳରେ ଅପରେସନ ଜାରି ରଖିଛି ଭାରତୀୟ ସେନା । ଅନ୍ୟପକ୍ଷେ ସୀମାରେ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରିଚାଲିଛି ପାକିସ୍ତାନ ।