ହାଇଦ୍ରାବାଦ: ଶୀତଦିନେ ତ୍ବଚା ଶୁଷ୍କ ହେବା ସାଧାରଣ କଥା । ଏପରି ପରିସ୍ଥିତେର ଓଠ ଫାଟିବା ଦ୍ବାରା ସମସ୍ୟା ଅଧିକ ଦେଖାଯାଏ । ଏହା କେବଳ ଯନ୍ତ୍ରଣାଦାୟକ ନୁହେଁ ବରଂ ସୌନ୍ଦର୍ଯ୍ୟକୁ ମଧ୍ୟ ଖରାପ କରିଦିଏ । ଯେତେ ମଶ୍ଚରାଇଜର କିମ୍ବା ଭେସଲିନ୍ ପ୍ରୟୋଗ କରନ୍ତୁ ନା କାହିଁକି,ଏଥିରୁ ମୁକ୍ତି ମିଳିନଥାଏ । ଓଠରୁ ଚର୍ମ ବାହାରି ନଥାଏ, ବେଳେବେଳେ ରକ୍ତ ମଧ୍ୟ ବାହାରିବା ଆରମ୍ଭ କରିଦିଏ । ଶୀତ ଋତୁରେ କାହିଁକି ଓଠ ଫାଟିଯାଏ ଏବଂ କିଛି ପ୍ରାକୃତିକ ଏବଂ ଘରୋଇ ଉପଚାର ସହ ତୁରନ୍ତ କିପରି ଏହି ସମସ୍ୟାରୁ ମୁକ୍ତି ପାଇବେ । ଜାଣନ୍ତୁ,
ଶୀତଦିନେ ଓଠ କାହିଁକି ଫାଟିଯାଏ?
- ଶୀତଦିନେ ଆମେ କମ୍ ପାଣି ପିଇଥାଉ । ଶରୀରରେ ଜଳ ଅଭାବ ହେତୁ ଓଠ ଶୁଖିଯାଏ ଏବଂ ଫାଟିଯାଏ ।
- ଶୀତଦିନେ ଶୁଷ୍କ ବାୟୁ ରହିଥାଏ । ଯାହା ଓଠରୁ ଆର୍ଦ୍ରତାକୁ ଟାଣିନେଇଥାଏ। ଏପରି ପବନରୁ ରକ୍ଷା ପାଇବା ଉଚିତ୍ ।
- ସୂର୍ଯ୍ୟ କିରଣର ଅତ୍ୟଧିକ ସଂସ୍ପର୍ଶରେ ଆସିବା ଦ୍ୱାରା ଓଠ ଶୁଖିଲା ମଧ୍ୟ ହୋଇପାରେ । କାରଣ ସୂର୍ଯ୍ୟ କିରଣ ଓଠରୁ ଆର୍ଦ୍ରତା ଟାଣିନେଇଥାଏ ।
- ଶୀତଦିନେ ଯେତେବେଳେ ଓଠ ଶୁଖିଯାଏ, ଆମେ ବାରମ୍ବାର ତାକୁ ଛୁଇଁବା କିମ୍ବା ଚାଟିବା ଜାରି ରଖିଥାଉ, ଯେଉଁଥିପାଇଁ ତାହା ଅଧିକ ଶୁଷ୍କ ହୋଇ ଫାଟିବା ଆରମ୍ଭ କରିଥାଏ ।
ଓଠ ଫାଟିଲେ ଆପଣାନ୍ତୁ ଏହି ଘରୋଇ ଉପଚାର
- ମହୁ- ମହୁର ମଶ୍ଚରାଇଜିଂ ଏବଂ ଆରୋଗ୍ୟ ଗୁଣ ରହିଛି । ଏହାକୁ ପ୍ରୟୋଗ କରିବା ଦ୍ବାରା ଓଠ ନରମ ହୋଇଥାଏ ଏବଂ ଶୁଖିଲା ରୁହେ ନାହିଁ ।
- ଲେମ୍ବୁ ରସ- ଭିଟାମିନ୍ C'ରେ ଭରପୂର ଲେମ୍ବୁ ରସ ଓଠକୁ ସୁସ୍ଥ ରଖେ । ଏହାକୁ ପ୍ରୟୋଗ କଲେ ମୃତ ଚର୍ମ ବାହାରିଯାଏ । ଫଳରେ ଓଠ ନରମ ହୋଇଥାଏ ।
- ଗ୍ଲିସେରିନ୍- ପେଟ୍ରୋଲିୟମ ଜେଲି ସହ ମିଶ୍ରିତ ଗ୍ଲସେରିନ୍ ପ୍ରୟୋଗ କରିବା ଦ୍ୱାରା ଓଠର ଶୁଷ୍କତା ଦୂର ହୋଇଥାଏ ।
- ଆଲୋବେରା ଜେଲ୍- ଆଲୋବେରାର ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି, ଯାହା ଓଠ ଫୁଲା ଏବଂ ଜ୍ବଳନରୁ ରକ୍ଷା କରିଥାଏ ।
- ଦେଶୀ ଘିଅ- ଦେଶୀ ଘିଅକୁ ସାମାନ୍ୟ ଗରମ କରି ଓଠରେ ଲଗାଇଲେ ଏହା ଚର୍ମରେ ଭଲ ଭାବରେ ଶୋଷିତ ହୁଏ । ଏହି କାରଣରୁ, ଛିଣ୍ଡା ଯାଇଥିବା ଚର୍ମ ପୁନଃ ନିର୍ମାଣ ହୁଏ ଏବଂ ନୂତନ କୋଷ ଗଠନ ଆରମ୍ଭ ହୁଏ । ଏହା ବ୍ୟତୀତ, ଦେଶୀ ଘିଅରେ ମଧ୍ୟ ମଶ୍ଚରାଇଜିଂ ଗୁଣ ରହିଛି ଯାହା ଓଠକୁ ଦୀର୍ଘ ସମୟ ପର୍ଯ୍ୟନ୍ତ ନରମ ରଖିଥାଏ ।
- ବାଦାମ ତେଲ- ବାଦାମ ତେଲକୁ ସିଧାସଳଖ ଓଠରେ ଲଗାଇବା ପରିବର୍ତ୍ତେ ଏହାକୁ ଭଲ ଭାବରେ ଗରମ କରନ୍ତୁ । ତା’ପରେ ଆଙ୍ଗୁଠିରେ ଓଠରେ ତେଲ ଲଗାନ୍ତୁ ଏବଂ ୫ରୁ ୭ ମିନିଟ୍ ପର୍ଯ୍ୟନ୍ତ ମାଲିସ୍ କରନ୍ତୁ । ଏହା ମଧ୍ୟ ଓଠକୁ ନରମ କରିଥାଏ ।
ଏହା ମଧ୍ୟ ପଢନ୍ତୁ: ବାରମ୍ବାର ଓଠ ଫାଟୁଥିଲେ ସାବଧାନ! ହୋଇପାରେ ଏହି ଭିଟାମିନର ଅଭାବ
(ବିଦ୍ର: ଦିଆଯାଇଥିବା ପଦ୍ଧତି କେବଳ ସାଧାରଣ ସୂଚନା ଉପରେ ଆଧାରିତ। ଯଦି ଆପଣଙ୍କର କୌଣସି ପଦାର୍ଥରେ ଆଲର୍ଜି ରହିଛି ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ)
