ହାଇଦ୍ରାବାଦ: ଭୋକ ଅନୁଭବ ହେଲେ ଆମେ ସମସ୍ତେ ଖାଦ୍ୟ ଖାଇଥାଉ । ଏହା ଶରୀରକୁ ଶକ୍ତି ଯୋଗାଇଥାଏ । ସାଧାରଣତଃ ଜଣେ ବ୍ୟକ୍ତି ଦିନକୁ ତିନିରୁ ଚାରିଥର ଖାଏ, କିନ୍ତୁ ଯଦି ତୁମେ ପୂର୍ଣ୍ଣ ଭୋଜନ ଖାଇବା ପରେ ମଧ୍ୟ ଭୋକିଲା ଅନୁଭବ କରୁଛ, ତେବେ ତୁମେ ତୁରନ୍ତ ସତର୍କ ହେବା ଉଚିତ। କିଛି ଲୋକ ଏହାକୁ ଏକ ଦୁର୍ବଳତା ବୋଲି ଭାବନ୍ତି । କିନ୍ତୁ ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ ଏହା ପାଇଁ ଅନେକ ଗମ୍ଭୀର କାରଣ ଥାଇପାରେ । ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ ବାରମ୍ବାର ଭୋକିଲା ହେବାର କାରଣ କ'ଣ, ଜାଣନ୍ତୁ...
ବାରମ୍ବାର ଭୋକିଲା ଅନୁଭବ କରିବାର ୬ ଟି କାରଣ:-
1. ପ୍ରୋଟିନ୍ ଅଭାବ
ବିଶେଷଜ୍ଞଙ୍କ ଅନୁଯାୟୀ ଯଦି ଖାଦ୍ୟରେ ପ୍ରୋଟିନ୍ କମ୍ ଥାଏ ତେବେ ଜଣେ ପ୍ରାୟତଃ ଭୋକିଲା ଅନୁଭବ ହୁଏ । ଏହାର କାରଣ ହେଉଛି ପ୍ରୋଟିନ୍ ଶକ୍ତି ଯୋଗାଇଥାଏ ଏବଂ ଭୋକ ବଢ଼ାଉଥିବା ହରମୋନ୍ଗୁଡ଼ିକୁ ନିୟନ୍ତ୍ରଣ କରିଥାଏ । ଏହିପରି ହରମୋନ୍ ତିଆରି କରେ ଯାହା ପେଟ ପୂର୍ଣ୍ଣ କରିଥାଏ । ତେବେ ଖାଦ୍ୟର ଲୋଭକୁ କମାଇବା ପାଇଁ ପ୍ରୋଟିନ୍ କାମ କରିଥାଏ । ଏପରି ପରିସ୍ଥିତିରେ, ପ୍ରୋଟିନ୍ ଯୁକ୍ତ ଜିନିଷଗୁଡ଼ିକ ଖାଦ୍ୟରେ ଅନ୍ତର୍ଭୁକ୍ତ କରାଯିବା ଉଚିତ୍ ।
2. ନିଦର ଅଭାବ
ନିଦ୍ରା ଅଭାବରୁ, ବାରମ୍ବାର ଭୋକିଲା ଅନୁଭବ କରିପାରନ୍ତି । ଯଦି ପର୍ଯ୍ୟାପ୍ତ ନିଦ ନ ହୁଏ, ଭୋକର ସଙ୍କେତ ଦେଉଥିବା ଗ୍ରେଲିନ୍ ହରମୋନ୍ ଅନିୟନ୍ତ୍ରିତ ହୋଇ ବଢିଯାଏ । ଏହା ବାରମ୍ବାର ଭୋକର ଅନୁଭବ କରାଇଥାଏ । ତେଣୁ ସଠିକ୍ ନିଦ ନ ହେବା ମଧ୍ୟ ବାରମ୍ବାର ଭୋକର କାରଣ ହୋଇଥାଏ ।
3. ରିଫାଇଣ୍ଡ କାର୍ବସ୍ ଖାଇବା ଦ୍ୱାରା ଭୋକ ବଢିଥାଏ (By consuming refined carbs)
ରିଫାଇଣ୍ଡ କାର୍ବସର ଗ୍ଲାଇସେମିକ୍ ଇଣ୍ଡେକ୍ସ ବହୁତ ଅଧିକ । ଏପରି ପରିସ୍ଥିତିରେ ଏହାର ଅତ୍ୟଧିକ ବ୍ୟବହାର ଭୋକକୁ ବଢାଇଥାଏ । ଏବଂ ଶୀଘ୍ର କିଛି ଖାଇବାକୁ ମନ ହୋଇଥାଏ । ତେବେ ଅତ୍ୟଧିକ ରିଫାଇଣ୍ଡ କାର୍ବସ୍ ବ୍ୟବହାର ହେତୁ ମୋଟାପଣ ଦ୍ରୁତ ଗତିରେ ବଢ଼ିଥାଏ ।
4. ଶରୀରରେ ଫାଇବରର ଅଭାବ
ଯେତେବେଳେ ଆମ ଶରୀରରେ ପର୍ଯ୍ୟାପ୍ତ ଫାଇବର ନଥାଏ, ସେତେବେଳେ ଆମେ ବାରମ୍ବାର ଭୋକିଲା ଅନୁଭବ କରୁ । ବାସ୍ତବରେ, ଫାଇବରରେ ଭରପୁର ଜିନିଷ ହରମୋନ୍ ତିଆରି ପାଇଁ କାମ କରେ ଯାହା ଭୋକକୁ ହ୍ରାସ କରିଥାଏ । ଏହା ପେଟକୁ ଦୀର୍ଘ ସମୟ ପର୍ଯ୍ୟନ୍ତ ପୂର୍ଣ୍ଣ ଅନୁଭବ କରାଏ । ଏପରି ପରିସ୍ଥିତିରେ ଖାଦ୍ୟରେ ଅଧିକ ଫାଇବର ରହିବା ଉଚିତ୍ ।
5. ଅତ୍ୟଧିକ ଚାପ
ବିଶେଷଜ୍ଞଙ୍କ ଅନୁଯାୟୀ, ଆଜିର ଜୀବନଶୈଳୀ ଚାପଗ୍ରସ୍ତ ହୋଇଯାଇଛି । ତେବେ ଅତ୍ୟଧିକ ଚାପ ଯୋଗୁଁ ଶରୀରରେ କର୍ଟିସୋଲ ନାମକ ଏକ ହରମୋନ୍ ବୃଦ୍ଧି ପାଇଥାଏ, ଯାହା ବାରମ୍ବାର ଭୋକ ସୃଷ୍ଟି କରିଥାଏ । ଏଭଳି ପରିସ୍ଥିତିରେ ଚାପ କମାଇବାକୁ ଚେଷ୍ଟା କରିବା ଉଚିତ୍ ।
6. ଏହି ରୋଗ ହେତୁ ମଧ୍ୟ ଭୋକ ବଢିଥାଏ
ମଧୁମେହ ଏବଂ ଥାଇରଏଡ୍ ପରି ଗୁରୁତର ରୋଗ ମଧ୍ୟ ବାରମ୍ବାର ଭୋକର କାରଣ ହୋଇଥାଏ । ବାସ୍ତବରେ, ମଧୁମେହ ରୋଗୀଙ୍କ କ୍ଷେତ୍ରରେ ଗ୍ଲୁକୋଜ୍ କୋଷରେ ପହଞ୍ଚିପାରେ ନାହିଁ । ଏହି କାରଣରୁ ଏନର୍ଜିରେ ପରିଣତ ହେବା ପରିବର୍ତ୍ତେ ଏହା ପରିସ୍ରା ମାଧ୍ୟମରେ ବାହାରିଥାଏ । ଏପରି ପରିସ୍ଥିତିରେ, ଯେତେବେଳେ ଶର୍କରା ଅଧିକ ହେଲେ ବହୁତ ଭୋକିଲା ଅନୁଭବ ହୁଏ । କିଛି ନା କିଛି ଖାଇବାକୁ ମନ ହୁଏ । ଥାଇରଏଡ୍ ହରମୋନ୍ ବୃଦ୍ଧି ହେତୁ ମଧ୍ୟ ବାରମ୍ବାର ଭୋକିଲା ଅନୁଭବ ହୋଇଥାଏ ।
