ହାଇଦ୍ରାବାଦ: ବୟସ ବଢିବା ସହ ରୋଗ ମଧ୍ୟ ବୃଦ୍ଧି ପାଇଥାଏ । କିନ୍ତୁ ଅଧିକ ବୟସରେ ମଧ୍ୟ ସମସ୍ତେ ଫିଟ ପାଇଁ ଚାହିଁଥାଆନ୍ତି । ଦୀର୍ଘ ସମୟ ଧରି ସୁସ୍ଥ ରହିବା ଏବଂ ଫିଟ୍ ରହିବା ପାଇଁ ବିଶେଷଜ୍ଞ ମାନେ ସର୍ବଦା ଚାଲିବା ଏବଂ ଦୌଡ଼ିବାକୁ ସୁପାରିଶ କରନ୍ତି । କେତେଜଣ ଚାଲିବାକୁ ପସନ୍ଦ କରନ୍ତି ଏବଂ ଆଉ କେତେ ଜଣ ଦୌଡିବା ପାଇଁ ପସନ୍ଦ କରନ୍ତି । କିନ୍ତୁ ଏଭଳି ବ୍ୟସ୍ତବହୁଳ ଜୀବନରେ ଆମେ ନିଜର ଧ୍ୟାନ ରଖିବା ମଧ୍ୟ ଭୁଲିଯାଇଥାଉ । ଅନ୍ୟପକ୍ଷରେ, ଅନେକ ଲୋକ ସ୍ୱାସ୍ଥ୍ୟ ଉପରେ ଅତ୍ୟଧିକ ଧ୍ୟାନ ରଖନ୍ତି, କିନ୍ତୁ ସୂଚନା ଅଭାବରୁ ସେମାନେ ସ୍ୱାସ୍ଥ୍ୟ ସମ୍ବନ୍ଧୀୟ ସଠିକ୍ ଲକ୍ଷ୍ୟରେ ପହଞ୍ଚିବାରେ ସକ୍ଷମ ନୁହଁନ୍ତି । ପ୍ରାୟତଃ ଲୋକମାନେ ଚାଲିବା ଏବଂ ଦୌଡ଼ିବା ମଧ୍ୟରେ ଦ୍ୱନ୍ଦ୍ୱରେ ପଡ଼ିଯାଆନ୍ତି । କେଉଁଟା ଶରୀର ପାଇଁ ଅଧିକ ଉପକାରୀ ତାହା ଜାଣିବା ଭୁଲିଯାଇଥାଆନ୍ତି । ତେବେ ଏହି ଦୁଇଟି ମଧ୍ୟରେ ପାର୍ଥକ୍ୟ କଣ ଏବଂ ଶରୀର ପାଇଁ କେଉଁଟା ସବୁଠାରୁ ଉପଯୋଗୀ ଜାଣନ୍ତୁ ।
ଚାଲିବା(Walking): ଚାଲିବା ଏକ ଭଲ ବ୍ୟାୟମ ଅଟେ । ସମସ୍ତେ ପ୍ରତିଦିନ ଅଧ ଘଣ୍ଟା ଚାଲିବା ଆବଶ୍ୟକ ବୋଲି କାର୍ଡିଓ ଏକ୍ସପର୍ଟ କହିଛନ୍ତି । ବିଶେଷଜ୍ଞମାନେ କୁହନ୍ତି, ଚାଲିବା ହେଉଛି ଶରୀର ପାଇଁ ସର୍ବୋତ୍ତମ ବ୍ୟାୟାମ। ଘର କିମ୍ବା ଟେରାସ୍ ହେଉ ଯେକୌଣସି ସ୍ଥାନରେ ଚାଲିପାରିବେ । କିନ୍ତୁ ବୁଲିବାକୁ ଚାଲିବା ବା ଓ୍ବାକିଂ କୁହାଯାଏ ନାହିଁ । ଚାଲିବାବେଳେ, ଆପଣଙ୍କୁ ସମ୍ପୂର୍ଣ୍ଣ ଧ୍ୟାନ ସହିତ ଅତିକମରେ ଅଧ ଘଣ୍ଟା ଚାଲିବାକୁ ପଡି । ବିଶେଷଜ୍ଞଙ୍କ ଅନୁସାରେ, ସକାଳୁ ଚାଲିବା ଶରୀର ପାଇଁ ବେଶ ଉପଯୋଗୀ ହୋଇଥାଏ । ପ୍ରଦୂଷଣ ମୁକ୍ତ ବାୟୁରେ ଚାଲିବା ଉତ୍ତମ ବୋଲି କୁହାଯାଏ ।
ରକ୍ତ ଶର୍କରା ସ୍ତରକୁ ନିୟନ୍ତ୍ରଣ କରିବା ପାଇଁ ଚାଲିବା ଏକ ଭଲ ବିକଳ୍ପ । ଚାଲିବା ଦ୍ବାରା ରକ୍ତ ସଞ୍ଚାଳନ ଠିକ ହୋଇଥାଏ । ଚାଲିବା ଦ୍ୱାରା କ୍ୟାଲୋରୀ ମଧ୍ୟ କମିଥାଏ, ଯାହା ଓଜନ ହ୍ରାସ କରିବା ସହଜ କରିଥାଏ । ଚାପ, ଚିନ୍ତା ପରି ସମସ୍ୟା ଦୂର ହୁଏ ଏବଂ ମନୋବଳ ଦୃଢ ହୋଇଥାଏ । ଚାଲିବା ହେଉଛି ଏକ କାର୍ଡିଓ ବ୍ୟାୟାମ । ଚାଲିବା ହୃଦରୋଗରୁ ମୁକ୍ତି ପାଇବାରେ ସାହାଯ୍ୟ କରେ, ହାଡକୁ ମଜବୁତ କରେ ଏବଂ ମାଂସପେଶୀ ଶକ୍ତି ବୃଦ୍ଧି କରିବାରେ ସାହାଯ୍ୟ କରେ, ଅତିରିକ୍ତ ଚର୍ବି ହ୍ରାସ କରେ ।
ଚାଲିବାର ଫାଇଦା: 1. ଦ୍ରୁତ ଗତିରେ ଚାଲିବା ଦ୍ୱାରା ହୃଦରୋଗ ହେବାର ଆଶଙ୍କା 9.3 ପ୍ରତିଶତ କମିଯାଏ।
2. ରକ୍ତଚାପର ଆଶଙ୍କା 7.2 ପ୍ରତିଶତ କମିଯାଏ ।
3. ମଧୁମେହ ହେବାର ଆଶଙ୍କା 12 ପ୍ରତିଶତ ହ୍ରାସ କରାଯାଇପାରେ ।
4. କୋଲେଷ୍ଟ୍ରଲ ଆଶଙ୍କା 4.3 ପ୍ରତିଶତ ହ୍ରାସ ହୋଇପାରେ ।
5. ଦୈନିକ 10 ହଜାର ଷ୍ଟେପ ଚାଲିବା ଦ୍ୱାରା ଅନେକ ଗମ୍ଭୀର ରୋଗ ହେବାର ଆଶଙ୍କା କମିଯାଏ ।
ଦୌଡିବା: ଆମେ ଯେକୌସି ବୟସରେ ଚାଲିପାରିବା, କିନ୍ତୁ ଦୌଡିବା ସମ୍ଭବ ହୋଇପାରିନଥାଏ । ଦୌଡିବା ଦ୍ବାରା ଗୋଡରେ ସ୍ପ୍ରେନ୍, ମାଂସପେଶୀ ଯନ୍ତ୍ରଣା, ନିଶ୍ୱାସ ପ୍ରଶ୍ୱାସ ଭଳି ସମସ୍ୟା ସୃଷ୍ଟି ହୁଏ । ତଥାପି, ଏହି ସମସ୍ୟାଗୁଡ଼ିକ ପ୍ରାରମ୍ଭିକ ପର୍ଯ୍ୟାୟରେ ଘଟିଥାଏ । କିନ୍ତୁ ଯଦି ଆପଣ ନିୟମିତ ଭାବରେ ଦୌଡିଲେ ତେବେ ଏହାର ସ୍ୱାସ୍ଥ୍ୟ ପାଇଁ ମଧ୍ୟ ଅନେକ ଲାଭ ଅଛି । ଦୌଡିବା ଶରୀରରେ ରକ୍ତ ପ୍ରବାହକୁ ଶୀଘ୍ର କରିଥାଏ । ଦୌଡିବା ହୃଦୟ ପାଇଁ ଏକ ଉତ୍ତମ ବ୍ୟାୟାମ । ଓଜନ ହ୍ରାସ କରିବା ପାଇଁ ଦୌଡ଼ିବା ଅଧିକ ଲାଭଦାୟକ, କାରଣ ଏହା ଶରୀରର ଚର୍ବି ଏବଂ କ୍ୟାଲୋରୀ ଶୀଘ୍ର ହ୍ରାସ କରିଥାଏ । ଯେଉଁମାନଙ୍କର ଶରୀରର ତଳ ଅଂଶରେ ଯନ୍ତ୍ରଣା ହୁଏ, ସେମାନେ ଦୌଡ଼ିବା ଠାରୁ ଦୂରେଇ ରହିବା ଉଚିତ୍ । ଗଣ୍ଠି ଏବଂ ହାଡ ଉପରେ ଏହାର ଖରାପ ପ୍ରଭାବ ପଡିଥାଏ ।
ଦୌଡିବାର ଫାଇଦା:
1. ରକ୍ତ ସଞ୍ଚାଳନ ବୃଦ୍ଧି ପାଇଥାଏ
2. ମାଂସପେଶୀ ଶକ୍ତିଶାଳୀ ହୁଏ
3. ଶୀଘ୍ର ଓଜନ ହ୍ରାସ କରିବା ପାଇଁ ଦୌଡିବା ଏକ ଉତ୍ତମ ବିକଳ୍ପ
4. ମଧୁମେହ ହେବାର ଆଶଙ୍କା କମ୍ ଅଟେ
5. ଦୌଡିବା ଦ୍ବାରା ଆତ୍ମବିଶ୍ବାସ ବୃଦ୍ଧି ପାଇଥାଏ
ବ୍ୟୁରୋ ରିପୋର୍ଟ, ଇଟିଭି ଭାରତ
