ନୂଆଦିଲ୍ଲୀ: ପ୍ରତିଦିନ ଚାଲିବା ଦ୍ବାରା ହୃଦରୋଗ ଏବଂ ଡିମେନ୍ସିଆ(ମସ୍ତିଷ୍କ ରୋଗ) ଭଳି ସମସ୍ୟା ହ୍ରାସ ପାଇଥାଏ ! ଆଜ୍ଞା ହଁ, ଏକଥା ଆମେ କହୁନୁ ଏକାଧିକ ପ୍ରତିଷ୍ଠିତ ବିଦେଶୀ ବିଶ୍ବବିଦ୍ୟାଳୟର ଗବେଷଣାରୁ ଏହା ଜଣାପଡିଛି । ଅଷ୍ଟ୍ରେଲିଆର ସିଡନୀ ୟୁନିଭରସିଟି ଏବଂ ସାଉଥ ଡେନମାର୍କ ବିଶ୍ୱବିଦ୍ୟାଳୟର ଗବେଷକ ଏହି ତଥ୍ୟ ପ୍ରଦାନ କରିଛନ୍ତି ।
ଗବେଷକଙ୍କ ଅନୁଯାୟୀ, ଯଦି ଜଣେ ବ୍ୟକ୍ତି ଦୈନିକ ୧୦,୦୦୦ ଷ୍ଟେପ୍ ଚାଲନ୍ତି ତେବେ ତାଙ୍କର ଡିମେନ୍ସିଆ, ହୃଦରୋଗ, କର୍କଟ ଏପରିକି ମୃତ୍ୟୁ ଆଶଙ୍କା ମଧ୍ୟ କମ୍ ହୋଇଥାଏ(Walking 10,000 steps per day reduces risk of dementia, cancer) । ଅଗ୍ରଣୀ ପତ୍ରିକା JAMA ଇଣ୍ଟରନାଲ ମେଡିସିନ୍ ଏବଂ JAMA ସ୍ନାୟୁବିଜ୍ଞାନରେ ପ୍ରକାଶିତ ରିପୋର୍ଟରେ ଏହା ପ୍ରକାଶ ପାଇଛି । ପ୍ରାୟ ୭୮,୫୦୦ ବୟସ୍କ ବ୍ୟକ୍ତିଙ୍କ ଉପରେ ଗବେଷଣା କରାଯାଇ ଏହି ରିପୋର୍ଟ ପ୍ରସ୍ତୁତ କରିଛନ୍ତି ଗବେଷକ ।
