ହାଇଦ୍ରାବାଦ: ବର୍ତ୍ତମାନର ସମୟରେ ମାନସିକ ସ୍ବାସ୍ଥ୍ୟ(Mental Health) ବଜାୟ ରଖିବା ଏକ ଚ୍ୟାଲେଞ୍ଜ ପାଲଟିଗଲାଣି । ମହାମାରୀ କୋଭିଡ ପରଠୁ ଏହି ସମସ୍ୟା ଦ୍ବିଗୁଣିତ ହୋଇଯାଇଛି । ବୃତ୍ତିଗତ କ୍ଷେତ୍ର ହେଉ ଅବା ବ୍ୟକ୍ତିଗତ ସମସ୍ୟା ଲୋକଙ୍କୁ ମାନସିକ ଦୃଃଶ୍ଚିନ୍ତାରେ ପକାଉଛି । ଆମର ଅଭ୍ୟାସ ଦ୍ୱାରା ଆମର ମାନସିକ ସ୍ୱାସ୍ଥ୍ୟ ପ୍ରଭାବିତ ହୁଏ । ତେଣୁ ଖରାପ ଅଭ୍ୟାସ ଜୀବନର ଆନନ୍ଦକୁ ଦୂର କରିପାରେ । କେତେକ ଏହା ମଧ୍ୟ ଅନୁଭବ କରନ୍ତି ନାହିଁ ଯେ, ଏହି ଅଭ୍ୟାସଗୁଡ଼ିକ ସେମାନଙ୍କର ମାନସିକ ସ୍ୱାସ୍ଥ୍ୟ ପାଇଁ କ୍ଷତିକାରକ । ତେବେ କେଉଁ ସବୁ ଅଭ୍ୟାସ ରହିଛି, ଯାହା ମାନସିକ ସ୍ବାସ୍ଥ୍ୟକୁ ବିଗାଡିପାରେ ଆସନ୍ତୁ ଜାଣିବା...
ଜଙ୍କ୍ ଫୁଡ୍ ଖାଇବା, କୌଣସି ବ୍ୟାୟାମ ଅଭ୍ୟାସ କରିବା କିମ୍ବା ସଠିକ୍ ରୁଟିନ୍ ଅନୁସରଣ ନକରିବା କୋଲେଷ୍ଟ୍ରଲ ସ୍ତରକୁ ବଢାଇଥାଏ ଏବଂ ହୃଦଘାତର କାରଣ ହୋଇପାରେ । ଯେପରି ଖରାପ ଅଭ୍ୟାସ ଶାରୀରିକ ସ୍ୱାସ୍ଥ୍ୟକୁ କ୍ଷତି ପହଞ୍ଚାଏ, ସେହିପରି କେତେକ ମାନସିକ ସ୍ୱାସ୍ଥ୍ୟ ଉପରେ ମଧ୍ୟ ନକାରାତ୍ମକ ପ୍ରଭାବ ପକାଇପାରେ, ଯାହାଦ୍ୱାରା ଡିପ୍ରେସନ୍, ଚିନ୍ତା କିମ୍ବା ଚାପ ସୃଷ୍ଟି ହୋଇପାରେ ।
ଏଥିପାଇଁ ନିମ୍ନରେ କେତେକ ସାଧାରଣ ଖରାପ ଅଭ୍ୟାସ ବାବଦରେ ଆଲୋଚନା କରାଯାଇଛି, ଯାହା ମାନସିକ ସ୍ୱାସ୍ଥ୍ୟ ଉପରେ ଖରାପ ପ୍ରଭାବ ପକାଇପାରେ(Habits That May Have A Negative Impacting On Mental Health)…
- ନକାରାତ୍ମକ ମାନସିକତା:- ପ୍ରତ୍ୟେକ ସମୟରେ, ଆମ ମନରେ ନକାରାତ୍ମକ ଚିନ୍ତାଧାରା ଥାଏ । ସେଗୁଡିକ ବାବଦରେ ବାରମ୍ବାର ଭାବିବା ଏକ ବିଫଳ ମାନସିକତା ସୃଷ୍ଟି କରିପାରେ । ଏହା ଜୀବନରେ ସଫଳ ହେବା ପାଇଁ ସାମର୍ଥ୍ୟରେ ବାଧା ସୃଷ୍ଟି କରିପାରେ । ଅଶୁଭ ଚିନ୍ତାଧାରା, ଯାହା ଜୀବନ ଦୁଃଖଦାୟକ, ମୂଲ୍ୟହୀନ, ନିଦ୍ରାହୀନତା ଆଦି ସମସ୍ୟା ସୃଷ୍ଟି କରିପାରେ । ଏହି ବିଫଳ ଚିନ୍ତାଧାରା ଏବଂ ଭାବନା ମାନସିକ ସ୍ବାସ୍ଥ୍ୟକୁ ଭୟଙ୍କର ଭାବରେ କ୍ଷତି ପହଞ୍ଚାଇଥାଏ, ଯାହା ଚିନ୍ତା ଏବଂ ଉଦାସୀନ କରିଦିଏ । ଏହି ଭାବନା ମଧ୍ୟ ଭବିଷ୍ୟତର ଲକ୍ଷ୍ୟ ସ୍ଥିର କରିବା ଏବଂ ନିଜସ୍ବ ପ୍ରତିଭାକୁ ପ୍ରଭାବିତ କରିଥାଏ । ତେଣୁ ଏସବୁ ଭାବନାରୁ ଯଥା ସମ୍ଭବ ଦୂରେଇ ରହିବା ଆବଶ୍ୟକ ।
- ସୋସିଆଲ ମିଡିଆ ସହିତ ଜଡିତ ରହିବା:- ବନ୍ଧୁ ଏବଂ ସମ୍ପର୍କୀୟଙ୍କ ସହ ସଂଯୁକ୍ତ ରହିବା, ଖବର ପଢିବା ଏବଂ ଭାଇରାଲ୍ ଭିଡିଓ ଦେଖିବା ପାଇଁ ସୋସିଆଲ୍ ମିଡିଆ ଏକ ଉତ୍କୃଷ୍ଟ ଉପକରଣ । ଏଗୁଡିକ ସକାରାତ୍ମକ ମନେହୁଏ କିନ୍ତୁ ଏକ ଗମ୍ଭୀର ପାର୍ଶ୍ୱ ପ୍ରତିକ୍ରିୟା ମଧ୍ୟ ଅଛି । ଅନେକ ଲୋକ ସୋସିଆଲ ମିଡିଆ ବ୍ୟବହାର କରନ୍ତି, ନିଜ ଜୀବନକୁ ଅନ୍ୟମାନଙ୍କ ସହିତ ତୁଳନା କରନ୍ତି । ଏହି ତୁଳନାଗୁଡ଼ିକ ପ୍ରାୟତ ଈର୍ଷା, ଉଦାସୀନତା ଏବଂ ଚିନ୍ତାର କାରଣ ହୋଇଥାଏ । ତେଣୁ ଯଥା ସମ୍ଭବ ସୋସିଆଲ ମିଡିଆର ସଦୁପୋଯୋଗ କରିବାକୁ ଚେଷ୍ଟା କରନ୍ତୁ । ନଚେତ୍ ଏହାର ବହୁଳ ବ୍ୟବହାର ମାନସିକ ଚାପ ବୃଦ୍ଧି କରିପାରେ ।
- ଘରେ ଅଧିକ ସମୟ ବିତାଇବା:- ଘର ଭିତରେ ଦୀର୍ଘ ସମୟ ଧରି ରହିବା ଦ୍ବାରା ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପଡିପାରେ । ଏହି କାରଣରୁ ଚାପ, ଚିନ୍ତା ଏବଂ ଉଦାସୀନତାର ଲକ୍ଷଣ ସୃଷ୍ଟି ହୋଇଥାଏ । ଅନେକ ସମୟରେ ଘର ଭିତରେ ରହିବା ଦ୍ବାରା ଭିଟାମିନ-ଡି ର ଅଭାବ ସୃଷ୍ଟି ହୋଇଥାଏ । ତେଣୁ ଏହି ପ୍ରକାର ଖରାପ ଜୀବନଶୈଳୀ ମାନସିକ ସ୍ବାସ୍ଥ୍ୟ ଉପରେ ସିଧାସଳଖ ପ୍ରଭାବ ପକାଏ ।
- ପର୍ଯ୍ୟାପ୍ତ ନ ଶୋଇବା:- ନିଜର ପ୍ରିୟ ସିରିଏଲ୍ ଦେଖିବା କିମ୍ବା ଏକ ୱେବ୍ ସିରିଜ୍କୁ ଦେଖିବା ଭଲ । କିନ୍ତୁ ଏହି ଅଭ୍ୟାସ କାରଣରୁ ସଠିକ୍ ସମୟରେ ନ ଶୋଇବା ଏକ ଖରାପ ଅଭ୍ୟାସ । ଉତ୍ତମ ମାନସିକ ଏବଂ ଶାରୀରିକ ସ୍ବାସ୍ଥ୍ୟ ବଜାୟ ରଖିବା ପାଇଁ ଶୋଇବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ କାରଣ ଏହା ଶରୀର ଏବଂ ମନକୁ ଆରାମ ଦେଇଥାଏ । ଯଥେଷ୍ଟ ଶୋଇବା ମନୋବଳ, ଶକ୍ତି ସ୍ତର ଏବଂ ମାନସିକ ସ୍ୱାସ୍ଥ୍ୟ ଉପରେ ସୁପ୍ରଭାବ ପକାଇଥାଏ । ଯଦି ପର୍ଯ୍ୟାପ୍ତ ଶୋଉନାହାନ୍ତି, ତେବେ ଉଦାସୀନତା ଏବଂ ଚିନ୍ତା ସମସ୍ୟା ସହିତ ସଂଘର୍ଷ କରିବାର ସମ୍ଭାବନା ଅଧିକ ।
ଏହି ଦୈନନ୍ଦିନ କାର୍ଯ୍ୟଗୁଡିକ ପରୀକ୍ଷା କରି, ଚିହ୍ନଟ କରିପାରିବେ କେଉଁ ଅଭ୍ୟାସଗୁଡିକ ଆପଣଙ୍କ ସ୍ବାସ୍ଥ୍ୟ ଉପରେ ପ୍ରଭାବ ପକାଉଛି । ତେଣୁ ଖରାପ ଅଭ୍ୟାସକୁ ବଦଳାଇବା ଆରମ୍ଭ କରନ୍ତୁ, ଯାହାଦ୍ବାରା ଏକ ସୁନ୍ଦର ଚାପମୁକ୍ତ ଜୀବନ ଜିଇଁପାରିବେ ।
