ହାଇଦ୍ରାବାଦ: ଡିମେନ୍ସିଆ ପ୍ରାୟତଃ ଭୁଲିଯିବା ସମସ୍ୟା ସହ ଜଡିତ । ଅର୍ଥାତ୍ ଏହି ରୋଗରେ ପୀଡିତ ବ୍ୟକ୍ତି ସାଧାରଣତଃ କୌଣସି ପ୍ରସଙ୍ଗକୁ ମନେରଖି ପାରନ୍ତିନି । ସାଧାରଣ ଛୋଟ କଥାକୁ ମଧ୍ୟ ଭୁଲିଯାଆନ୍ତି । ବୟସ ବୃଦ୍ଧି ହେଲେ ଏହି ରୋଗ ହୋଇଥାଏ ବୋଲି ବିବେଚନା କରାଯାଏ । ମାତ୍ର ବର୍ତ୍ତମାନ ପ୍ରତ୍ୟେକ ବର୍ଗର ଲୋକଙ୍କୁ ଏହି ରୋଗ ମାଡି ବସୁଛି । ଅନ୍ୟାନ୍ୟ ଶାରୀରିକ ରୋଗ, ମାନସିକ ବିକୃତି କିମ୍ବା ଅବସ୍ଥା ମଧ୍ୟ ଡିମେନ୍ସିଆ ପାଇଁ ଦାୟୀ ହୋଇପାରେ । ତେବେ ଡିମେନ୍ସିଆର ବିଭିନ୍ନ ପ୍ରକାର ଥିବା ସହ ଏହି ରୋଗର କେତେକ ନିର୍ଦ୍ଦିଷ୍ଟ କାରଣ ମଧ୍ୟ ରହିଛି । ତେବେ ଜାଣନ୍ତୁ ଏହି ରୋଗର କାରଣ, ଲକ୍ଷଣ ଓ ନିରାକରଣ କଣ ରହିଛି ।
ସମ୍ପ୍ରତି, ହଲିଉଡ ଅଭିନେତା ବ୍ରୁସ ୱିଲିସ ଏକ ପ୍ରକାର ଡିମେନ୍ସିଆ ରୋଗରେ ଆକ୍ରାନ୍ତ ହୋଇଛନ୍ତି, ଯାହାକୁ "ଫ୍ରଣ୍ଟୋ-ଟେମ୍ପୋରାଲ ଡିମେନ୍ସିଆ"(Frontotemporal Dementia, FTD) କୁହାଯାଉଛି । ସମ୍ପୃକ୍ତ ଅଭିନେତା ଏହି ରୋଗରେ ଆକ୍ରାନ୍ତ ହେବା ପରେ ଏ ବାବଦରେ ଜାଣିବା ପାଇଁ ଲୋକଙ୍କ ମନରେ ଆଗ୍ରହ ସୃଷ୍ଟି ହୋଇଛି । ତେବେ ଆଜିର ଆର୍ଟିକିଲରେ ଏହି ଆର୍ଟିକିଲରେ ଡିମେନ୍ସିଆର ପ୍ରକାର ଫ୍ରଣ୍ଟୋ-ଟେମ୍ପୋରାଲ ଡିମେନ୍ସିଆ ବାବଦରେ ଆଲୋଚନା କରିବା ।
ବାସ୍ତବରେ ଫ୍ରଣ୍ଟୋ-ଟେମ୍ପୋରାଲ୍ ଡିମେନ୍ସିଆ ବା FTD ଏକ ମୁଖ୍ୟ ପ୍ରକାରର ଡିମେନ୍ସିଆ ଭାବରେ ବିବେଚନା କରାଯାଏ । ଏହା ଏକ ଜଟିଳ ଏବଂ ଏହାର ଆରୋଗ୍ୟ ନାହିଁ ବୋଲି ଧରାଯାଏ । ରୋଗର ଗମ୍ଭୀରତାକୁ ଆକଳନ କରି ବ୍ୟକ୍ତି ଜଣକ ଆଗକୁ ସାଧାରଣ ଜୀବନଯାପନ କରିପାରିବେ କି ନାହିଁ ସେ ବାବଦରେ ଅନୁମାନ କରାଯାଏ । ଯଦି ରୋଗ ଗମ୍ଭୀର ହୋଇଯାଇ ଥାଏ ତେବେ ତାଙ୍କୁ ଅନ୍ୟମାନଙ୍କ ଉପରେ ମଧ୍ୟ ନିର୍ଭର କରିବାକୁ ପଡିପାରେ ।
ଫ୍ରଣ୍ଟୋ-ଟେମ୍ପୋରାଲ୍ ଡିମେନ୍ସିଆ କ'ଣ
ଆସୋସିଏସନ୍ ଫର୍ ଫ୍ରଣ୍ଟୋ-ଟେମ୍ପୋରାଲ୍ ଡିଜେରେସନ୍ (AFTD) ଅନୁଯାୟୀ, Sue ହେଉଛି ଏକ ପ୍ରମୁଖ ପ୍ରକାରର ଡିମେନ୍ସିଆ, ଯାହା ସାଧାରଣତଃ ପ୍ରାଥମିକ ପର୍ଯ୍ୟାୟରେ ଚିହ୍ନଟ ହୁଏ ନାହିଁ । କାରଣ ଏହି ରୋଗର ପ୍ରାରମ୍ଭିକ ଅବସ୍ଥାରେ ଡିମେନ୍ସିଆର ସାଧାରଣ ଲକ୍ଷଣ ଦେଖାଯାଏ ନାହିଁ, ଯେପରିକି ବିଶେଷ ଭୁଲିଯିବା କିମ୍ବା ସ୍ମୃତି ସମସ୍ୟା ଇତ୍ୟାଦି ।
ଏହି ରୋଗର ଆରମ୍ଭରେ ପୀଡିତଙ୍କ ଆଚରଣ ଏବଂ କହିବାରେ ପରିବର୍ତ୍ତନ ଦେଖାଯାଏ । କିନ୍ତୁ ଅଧିକାଂଶ କ୍ଷେତ୍ରରେ ସେଗୁଡିକ ଏତେ ସାଧାରଣ ଯେ, ଏହା ଏକ ପ୍ରମୁଖ ସମସ୍ୟା କିମ୍ବା ରୋଗ ବୋଲି ଲୋକମାନେ ଜାଣିପାରନ୍ତିନି । ଏଭଳି ପରିସ୍ଥିତିରେ, ଫ୍ରଣ୍ଟୋ-ଟେମ୍ପୋରାଲ୍ ଡିମେନ୍ସିଆ କିମ୍ବା FTD ର ଉପସ୍ଥିତି ନିଶ୍ଚିତ ହେବା ବେଳକୁ ଏହି ରୋଗ ବହୁତ ପ୍ରଭାବିତ ହୋଇଥାଏ ।
