ହାଇଦ୍ରାବାଦ: ଯେତେବେଳେ ଶୀତ ଋତୁ ଆସେ, ଆମେ ଥଣ୍ଡା, କାଶ, ଜ୍ୱର ଏବଂ ସଂକ୍ରମଣ ଭଳି ସମସ୍ୟାର ସମ୍ମୁଖୀନ ହେବା ଆରମ୍ଭ କରିଥାଉ । ଏପରି ସ୍ଥିତିରେ ଏହି ଋତୁରେ ଆମ ଦୈନନ୍ଦିନ କାର୍ଯ୍ୟ ଏବଂ ଖାଇବା ଅଭ୍ୟାସରେ ପରିବର୍ତ୍ତନ ଆଣିବା ଆବଶ୍ୟକ । ଗରମ ଜିନିଷ ଖାଇବା ଯାହା ଶରୀରକୁ ଉଷ୍ମତା ପ୍ରଦାନ କରିବା ସହ ଶୀତରୁ ମୁକ୍ତି ଦେଇଥାଏ । ଏହି ସମୟରେ ଘରର ବୟସ୍କାମାନେ ଶୀତଦିନେ ବାଜରା ରୁଟି ଖାଇବାକୁ ପରାମର୍ଶ ଦେଇଥାନ୍ତି । ବାଜରା ରୁଟି ଶରୀରକୁ ଉଷ୍ମତା ଯୋଗାଇଥାଏ । ଏବଂ ଏହା ଶକ୍ତି ମଧ୍ୟ ପ୍ରଦାନ କରେ ।
ଏଥିସହ ବାଜରା ରୁଟିରେ ଅନେକ ପୋଷକ ତତ୍ତ୍ୱ ମିଳିଥାଏ ଯାହା ଆମର ରୋଗ ପ୍ରତିରୋଧକ ଶକ୍ତି ବଢାଇଥାଏ । ତେବେ ବାଜରା ରୁଟି ଖାଇବା ଦ୍ୱାରା ଶରୀର ଭିତରୁ ଗରମ ରହିଥାଏ ଏବଂ ଏଥିରେ ପ୍ରୋଟିନ୍, ଆଇରନ୍, ଭିଟାମିନ୍ ଇତ୍ୟାଦି ଉପସ୍ଥିତି ହେତୁ ଆମ ଶରୀରକୁ ସୁସ୍ଥ ରଖେ । ତେଣୁ, ଶୀତଦିନେ ବାଜରା ରୁଟି ଖାଇବାର ଅନେକ ଲାଭ ଅଛି । ଜାଣନ୍ତୁ ଏହାର ଅନ୍ୟ ଫାଇଦା ବିଷୟରେ...
ଅନେକ ପୋଷକ ତତ୍ତ୍ୱ
ବାଜରା ହେଉଛି ଏକ ଶସ୍ୟ ଯାହା ଅନେକ ପ୍ରକାରର ପୋଷକ ତତ୍ତ୍ୱରେ ଭରପୁର । ଏଥିମଧ୍ୟରୁ ପ୍ରୋଟିନ୍, କାର୍ବୋହାଇଡ୍ରେଟ୍, ଫାଇବର, ଭିଟାମିନ୍ ଏବଂ ମିନେରାଲ୍ସ ପ୍ରମୁଖ ଅଟେ । ଏହି ସମସ୍ତ ଉପାଦାନ ଆମ ଶରୀରକୁ ଶକ୍ତି ଦେବା ସହ ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରେ । ବାଜରା ଏକ ଗରମ ଶସ୍ୟ, ତେଣୁ ଏହାର ରୁଟି ଖାଇବା ଶରୀରକୁ ଉଷ୍ମତା ପ୍ରଦାନ କରିଥାଏ ।
ହଜମ ପ୍ରକ୍ରିୟାକୁ ମଜବୁତ କରେ
ହଜମ ପ୍ରକ୍ରିୟା ପାଇଁ ବାଜରା ରୁଟି ଅତ୍ୟନ୍ତ ଲାଭଦାୟକ ବୋଲି ବିବେଚନା କରାଯାଏ । ବାସ୍ତବରେ, ବାଜରାରେ ଅନେକ ଫାଇବର ଥାଏ, ଯାହା ଆମ ହଜମ ପ୍ରକ୍ରିୟାରେ ଉନ୍ନତି ଆଣିବାରେ ସାହାଯ୍ୟ କରିଥାଏ । ବାଜରା ରୁଟି ସହଜରେ ହଜମ ହୋଇପାରେ ଏବଂ ଏହା ଅନ୍ୟ ଖାଦ୍ୟ ହଜମ କରିବାରେ ମଧ୍ୟ ସାହାଯ୍ୟ କରିଥାଏ ।
କୋଷ୍ଠକାଠିନ୍ୟରୁ ମୁକ୍ତି ଦେଇଥାଏ
ଫାଇବରରେ ଭରପୁର ବାଜରା ରୁଟି ପେଟ ସଫା କରିବାରେ ସାହାଯ୍ୟ କରିଥାଏ ଏବଂ କୋଷ୍ଠକାଠିନ୍ୟ ସମସ୍ୟା ଦୂର କରିବାରେ ମଧ୍ୟ ଲାଭଦାୟକ ଅଟେ । ଏହା ପେଟ ସମ୍ବନ୍ଧୀୟ ଅନେକ ସମସ୍ୟାକୁ ମଧ୍ୟ ହ୍ରାସ କରିଥାଏ । ତେଣୁ, ସୁସ୍ଥ ହଜମ ପାଇଁ ନିଶ୍ଚିତ ଭାବରେ ବାଜରା ରୁଟି ଖାଇବା ଉଚିତ ।
ଏହା ମଧ୍ୟ ପଢନ୍ତୁ: ପୌଷ୍ଟିକତାରେ ଭରା ଶସ୍ୟ ବାଜରା ଅଟା
ରକ୍ତହୀନତା ଦୂର କରେ
ବାଜରାରେ ଆଇରନ ପ୍ରଚୁର ପରିମାଣରେ ମିଳିଥାଏ । ଯାହା ହିମୋଗ୍ଲୋବିନ ବୃଦ୍ଧିରେ ସାହାଯ୍ୟ କରିଥାଏ । ତେବେ ବାଜରା ରୁଟି ଖାଇବା ଦ୍ବାରା ଶରୀରରେ ରକ୍ତହୀନତା ସମସ୍ୟା ଦୂର ହୋଇପାରେ ।
