ହାଇଦ୍ରାବାଦ: କ୍ରନିକ୍ କିଡନୀ ଡିଜିଜ୍(CKD) ହେଉଛି ଏକ ଅବସ୍ଥା ଯାହା କିଡନୀ କ୍ଷମତାକୁ ପ୍ରଭାବିତ କରିଥାଏ । ଯଦିଓ ଏହା ବୟସ୍କମାନଙ୍କଠାରେ ଅଧିକ ଦେଖାଯାଏ, ତଥାପି ଏହି ରୋଗ ପିଲାମାନଙ୍କୁ ମଧ୍ୟ ହୋଇପାରେ । ତେବେ ଆଜିର ଏହି ଆର୍ଟିକିଲରେ ଜାଣନ୍ତୁ ପିଲାମାନଙ୍କରେ କ୍ରନିକ୍ କିଡନୀ ଡିଜିଜ୍ର କାରଣ, ଲକ୍ଷଣ ଏବଂ ଚିକିତ୍ସା ବାବଦରେ ।
ଲକ୍ଷଣ: ପିଲାମାନଙ୍କର କ୍ରନିକ୍ କିଡନୀ ଡିଜିଜ୍ ଲକ୍ଷଣ ରୋଗର ପର୍ଯ୍ୟାୟ ଉପରେ ନିର୍ଭର କରେ । ତେଣୁ ଏହା ଭିନ୍ନଭିନ୍ନ ହୋଇପାରେ । ପ୍ରାରମ୍ଭିକ ପର୍ଯ୍ୟାୟରେ କୌଣସି ଲକ୍ଷଣ ନ ଥାଇପାରେ, କିନ୍ତୁ ରୋଗ ବଢିବା ସହିତ ଲକ୍ଷଣ ଦେଖାଯିବା ଆରମ୍ଭ କରେ । କେତେକ ସାଧାରଣ ଲକ୍ଷଣ ମଧ୍ୟରେ କ୍ଳାନ୍ତି, ଭୋକ ନଷ୍ଟ, ହାତ ଏବଂ ପାଦର ଫୁଲା, ବାନ୍ତି, ସାଧାରଣ ଅପେକ୍ଷା ଅଧିକ କିମ୍ବା କମ୍ ପରିସ୍ରା କରିବା, ପରିସ୍ରାରେ ରକ୍ତ, ଉଚ୍ଚ ରକ୍ତଚାପ, ଶାରୀରିକ ଅଭିବୃଦ୍ଧି ନହେବା, ହାଡ଼ରେ ଯନ୍ତ୍ରଣା ଇତ୍ୟାଦି ।
କିଡନୀ ରୋଗ କାରଣ :
- ଅସ୍ୱାସ୍ଥ୍ୟକର ଖାଇବା
- କେତେକ ପ୍ରକାର ଖାଦ୍ୟ କିଡନୀକୁ କ୍ଷତି ପହଞ୍ଚାଇପାରେ, ଯେପରିକି ଅଧିକ ପରିମାଣର ଲୁଣ, ଚା, କଫି ଇତ୍ୟାଦି ।
- ସଂକ୍ରମଣ
- ପିଲାମାନଙ୍କରେ କିଡନୀ ରୋଗର ଅନ୍ୟ ଏକ କାରଣ ସଂକ୍ରମଣ ହୋଇପାରେ, ଯାହା କିଡନୀକୁ ନଷ୍ଟ କରିପାରେ ।
ଏହା ମଧ୍ୟ ପଢନ୍ତୁ:- ପୁଣି ଉପରମୁହାଁ କୋରୋନା: ଦିନକରେ 1300 ସଂକ୍ରମିତ ଚିହ୍ନଟ, ଚଳିତ ବର୍ଷର ସର୍ବାଧିକ
କିଡନୀ ରୋଗ ଚିକିତ୍ସା: ରକ୍ତଚାପକୁ ନିୟନ୍ତ୍ରଣ କରନ୍ତୁ, ସଂକ୍ରମଣ କିମ୍ବା ଅନ୍ୟାନ୍ୟ ଅନ୍ତର୍ନିହିତ ଅବସ୍ଥାକୁ ଚିକିତ୍ସା କରିବା ପାଇଁ ଡାକ୍ତରଙ୍କ ପରାମର୍ଶ କ୍ରମେ ଔଷଧ ସେବନ କରନ୍ତୁ । ଲୁଣ ଏବଂ ପ୍ରୋଟିନରେ କମ୍ ଥିବା ଏକ ସୁସ୍ଥ ଖାଦ୍ୟ ଗ୍ରହଣ କରନ୍ତୁ । ଗମ୍ଭୀର ପରିସ୍ଥିତିରେ, ରକ୍ତରୁ ଅଶୁଦ୍ଧତା ଦୂର କରିବା ପାଇଁ ଡାୟଲିସିସ୍ ଆବଶ୍ୟକ ହୋଇପାରେ । କେତେକ କ୍ଷେତ୍ରରେ, ଯଦି ଶିଶୁର କିଡନୀ ସଠିକ୍ ଭାବରେ କାମ ନକରେ ତେବେ କିଡନୀ ପ୍ରତିରୋପଣ ଆବଶ୍ୟକ ହୋଇପାରେ । ଶେଷରେ, କ୍ରନିକ୍ କିଡନୀ ଡିଜିଜ୍ର ଅବସ୍ଥା ପରିଚାଳନା ଏବଂ ଜଟିଳତାକୁ ରୋକିବା ପାଇଁ ଶୀଘ୍ର ଚିହ୍ନଟ ଏବଂ ଚିକିତ୍ସା ଜରୁରୀ । ପିତାମାତାମାନେ ଏହି ରୋଗର ଲକ୍ଷଣ ବିଷୟରେ ସଚେତନ ହେବା ଉଚିତ । ପିଲାଙ୍କ କ୍ଷେତ୍ରରେ ସାମାନ୍ୟ ଲକ୍ଷଣ ଦେଖାଦେଲେ ତୁରନ୍ତ ଡାକ୍ତରୀ ପରୀକ୍ଷା କରାଇ ନିଅନ୍ତୁ ।
Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଖାଦ୍ୟ କିମ୍ବା ସପ୍ଲିମେଣ୍ଟ ଗ୍ରହଣ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ଗ୍ରହଣ କରନ୍ତୁ ।
