ନୂଆଦିଲ୍ଲୀ: ବାୟୁ ପ୍ରଦୂଷଣର ମାତ୍ରା ବୃଦ୍ଧି ଆମର ଶ୍ୱାସକ୍ରିୟା ଏବଂ ହୃଦ୍ରୋଗ ପାଇଁ କି କ୍ଷତି ଘଟାଇପାରେ ତାହା ଆମେ ସମସ୍ତେ ଜାଣିଛୁ । ଏଥିସହ ବାୟୁ ପ୍ରଦୂଷଣ ମଧ୍ୟ ଚର୍ମ ଉପରେ ଗଭୀର ପ୍ରଭାବ ପକାଇଥାଏ । ଚର୍ମକୁ ସ୍ବଚ୍ଛ ଏବଂ ପରିଷ୍କାର ରଖିବା ପାଇଁ ମହିଳାମାନଙ୍କ ପାଇଁ ବିଭିନ୍ନ ପ୍ରକାରର କମ୍ପାଉଣ୍ଡରେ ଫେସ୍ୱାଶ୍ ଉପଲବ୍ଧ ହେଉଛି । ବର୍ତ୍ତମାନ ପୁରୁଷମାନଙ୍କ ଚର୍ମ ସୁରକ୍ଷାର ଚିନ୍ତା ଆସିଛି । ଯଦି ଆପଣ କେତେକ ବିଶେଷ ଦିଗ ଉପରେ ଧ୍ୟାନ ଦିଅନ୍ତି, ତେବେ ଚିନ୍ତାର କୌଣସି କାରଣ ରହିବ ନାହିଁ । ନିମ୍ନରେ ସେ ବାବଦରେ ଆଲୋଚନା କରାଯାଇଛି ।
ଆପଣ ଜାଣିଛନ୍ତି କି ମହିଳାଙ୍କ ତୁଳନାରେ ପ୍ରଦୂଷଣ ଦ୍ୱାରା ପୁରୁଷଙ୍କ ଚର୍ମ ଅଧିକ ପ୍ରଭାବିତ ହୁଏ ? ଏହାର କାରଣ ହେଉଛି ପୁରୁଷମାନେ କମ୍ ମେକଅପ୍ ବ୍ୟବହାର କରିଥାନ୍ତି ! ମେକଅପ୍ ଏକ ପ୍ରତିବନ୍ଧକ ଭାବରେ କାର୍ଯ୍ୟ କରିଥାଏ, ମୁକ୍ତ ରେଡିକାଲ୍ କଣିକା ଚର୍ମରେ ପ୍ରବେଶ କରିବାକୁ ଦେଇନଥାଏ । ତେବେ ଯଦି ବି ପୁରୁଷମାନେ ମେକ୍-ଅପ୍ କମ୍ ନେଇଥାନ୍ତି, ସେଥିପାଇଁ ଏହିସବୁ ରୁଟିନ୍ ଗ୍ରହଣ କରିବା ଦ୍ବାରା କେତେକ ପରିମାଣରେ ବାୟୁ ପ୍ରଦୂଷଣରୁ ରକ୍ଷା ପାଇପାରିବେ(Anti-pollution skincare tips for men) ।
Deep cleansing:-
ପ୍ରଦୂଷଣର ସଂସ୍ପର୍ଶରେ ଆସିବାର ତିନୋଟି ସାଧାରଣ ପ୍ରଭାବ ହେଉଛି ତ୍ୱଚା ବୃଦ୍ଧାବସ୍ଥା, ପିଗମେଣ୍ଟେସନ୍ ଏବଂ ବ୍ରଣ ହେବା । ଏସବୁକୁ ରୋକିବା ପାଇଁ ଡିପ୍ କ୍ଲିଞ୍ଜିଂ ବାଛନ୍ତୁ, ଯେଉଁଥିରେ ଉପାଦାନ ନିଶ୍ଚିତ ରୂପେ କାରକୋଲ୍ ରହିଥିବ । କାରକୋଲ୍ ଭଳି ଉପାଦାନ ଚର୍ମର ଗଭୀରରୁ ମଇଳା ବାହାର କରିବାରେ ସାହାଯ୍ୟ କରନ୍ତି ।
Exfoliate:-
ମୁହଁ ସଫା କରିସାରିବା ପରେ, ପୁନର୍ବାର ଫେସ୍ ଏକ୍ସଫୋଲିଏଟର ବିଷୟରେ ବିଚାର କରନ୍ତୁ । ମୃତ ଚର୍ମସ୍ତର ଗୁଡିକ ଅପସାରଣ କରିବା ଏବଂ ଆବର୍ଜନା ଗୁଡିକର ଛୋଟ ଅଣୁ ଗୁଡିକୁ ସଫା କରିବା ପାଇଁ ଏହି ପଦକ୍ଷେପଟି ଉତ୍ତମ । ଏକ୍ସଫୋଲିଏଟିଂର ଅନ୍ୟ ଏକ ସୁବିଧା ହେଉଛି ଏହା ହେୟାର ଫୋଲିକଲ୍କୁ କୋମଳ କରିଥାଏ । ପ୍ରଦୂଷଣ ହାର ଚର୍ମ ବାର୍ଦ୍ଧକ୍ୟ, ପିଗମେଣ୍ଟେସନ୍ ଏବଂ ବ୍ରେକଆଉଟ୍ ସୃଷ୍ଟି କରିପାରେ । ଏହାର ମୁକାବିଲା ପାଇଁ ଉଭୟ ପୁରୁଷ ଏବଂ ମହିଳାଙ୍କ ପାଇଁ ଏକ ଉପଯୁକ୍ତ ଚର୍ମ ଚିକିତ୍ସା ରୁଟିନ୍(କ୍ଲିଞ୍ଜିଂ, ଟୋନିଂ, ମଶ୍ଚରାଇଜିଂ) ଆବଶ୍ୟକ ।
Rehydrate:
ଏକ ଫେସ୍ ମାସ୍କ ବାଛନ୍ତୁ ଯାହା, ଏକ ସମୟରେ ରିହାଇଡ୍ରେଟିଂ ଏବଂ ଚର୍ମରେ ମୃତକୋଷ ସ୍ଥାନରେ ନୂତନ କୋଷ ପ୍ରସ୍ତୁତ କରିପାରୁଥିବ । ଏଥିସହ ଭିଟାମିନ୍-ଇର ଏକ ଛୋଟ କ୍ୟାପସୁଲ୍କୁ ଚେହେରାରେ ଲଗାନ୍ତୁ । ନିୟମିତ ଏପରି କରିବା ଦ୍ବାରା କିଛିଦିନ ମଧ୍ୟରେ ନିଶ୍ଚିତ ରୂପେ ପାର୍ଥକ୍ୟ ଦେଖିପାରିବେ ।
