ରାଉରକେଲା: ରାଉରକେଲା ରେଳ ଷ୍ଟେସନରେ ପାରିବାରିକ ବିବାଦକୁ ନେଇ ଜଣେ ମହିଳା ଆତ୍ମହତ୍ୟା ଉଦ୍ୟମ କରିଛନ୍ତି । ସାଉଥ୍ ଏକ୍ସପ୍ରେସ ଟ୍ରେନ ଆଗକୁ ଡେଇଁ ଆତ୍ମହତ୍ୟା ଉଦ୍ୟମ କରୁଥିବା ବେଳେ କିଛି ଲୋକ ଉଦ୍ଧାର କରି ସେକ୍ଟର-7 ପୋଲିସ ଷ୍ଟେସନକୁ ପଠାଇଛନ୍ତି ।
ପାରିବାରିକ କଳହରୁ ମହିଳାଙ୍କ ଆତ୍ମହତ୍ୟା ଉଦ୍ୟମ
ଆତ୍ମହତ୍ୟା ଉଦ୍ୟମ କରିଥିବା ମହିଳା ବରଗଡ ଅଞ୍ଚଳର ଚମ୍ପା ବଣିଆ । ତାଙ୍କ ନାବାଳିକା ଝିଅ ରାଉରକେଲାରେ ପ୍ରେମିକଙ୍କ ସହିତ ରୁହନ୍ତି । ଝିଅ ବରଗଡ ଆସିବ ବୋଲି ମା ଙ୍କୁ ଖବର ଦେବା ପରେ ଚମ୍ପା ନିଜ ଝିଅକୁ ନେବା ପାଇଁ ଷ୍ଟେସନ ଆସିଥିଲେ, ଝିଅ ମଧ୍ୟ ଆସିଲା ଓ କଥାବାର୍ତା ହେଲେ । ଏହି ସମୟରେ ଝିଅର ପ୍ରେମିକର ଫୋନ ଆସିବ ପରେ ସେ ଯିବାକୁ ମନା କରି ଦେଇଥିଲା । ଏହି ଘଟଣାରେ ପରେ ଚମ୍ପା ଓ ତାଙ୍କ ଝିଅଙ୍କ ମଧ୍ୟରେ ବଚସା ହୋଇ ଥିଲା । ଝିଅର ବ୍ୟବହାରରୁ ଦୁଃଖିତ ହୋଇ ସେ ଆତ୍ମହତ୍ୟା ଉଦ୍ୟମ କରିଥିବା ଜାଣିବାକୁ ମିଳିଛି ।
ରାଉକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
