ସୁନ୍ଦରଗଡ: ରାଉରକେଲା ସହରର ବିଭିନ୍ନ ଥାନା ଅଞ୍ଚଳରେ ମୋବାଇଲ ଛିନତାଇ କରି ଆତଙ୍କ ଖେଳାଇ ଆସିଥିବା ଦୁଇ ଅଭିଯୁକ୍ତକୁ ସେକ୍ଟର-19 ପୋଲିସ ଆଜି(ଗୁରୁବାର) ଗିରଫ କରି କୋର୍ଟ ଚାଲାଣ କରିଛି । ଏହା ସହ ସେମାନଙ୍କ ନିକଟରୁ ୧୪ଟି ମୋବାଇଲ ଫୋନ, ଗୋଟିଏ ବାଇକ ଓ ନଗଦ ୪୦୦୦ ଟଙ୍କା ଜବତ କରିଛି ।
ମୋବାଇଲ ଛିନତାଇ ଓ ଡକାୟତି ମାମଲରେ ୨ ଗିରଫ
ରାଉରକେଲା ସେକ୍ଟର-୧୯, ସେକ୍ଟର- ୧୫, ସେକ୍ଟର- ୩ ଓ ଝିରପାଣି ଅଞ୍ଚଳରୁ ଏମାନେ ଛିନତାଇ କରୁଥିଲେ ବୋଲି ପୋଲିସ ଆଗରେ ସ୍ୱୀକାର କରିଛନ୍ତି । ଗିରଫ ଦୁଇ ଅଭିଯୁକ୍ତ ହେଲେ ସନ୍ନି ମଲକାର (୨୦) ଓ କୁନାଲ ଓରଫ ହରିଶ କାଠୋର(୨୧) । ଏମାନଙ୍କ ଘର ରାଉରକେଲାର ମଧୁସୂଦନପାଲି ଓ ଘୋପବନ୍ଧୁପାଲି ବୋଲି ପୋଲିସ କହିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
