ରାଉରକେଲା: ସହରରେ ଡ଼କାୟତି ଉପରେ ରୋକ ଲଗାଇବାରେ ଅସଫଳ ହୋଇଛି ପୋଲିସ । ଏକ ଟ୍ରକ ଡକାୟତିବେଳେ ଚକା ତଳେ ଆସି ଜଣେ ଡ଼କାୟତ ମୃତ୍ୟୁବରଣ କରିଥିବାବେଳେ 4 ଜଣ ଆହତ ହୋଇଛନ୍ତି । ଅନ୍ୟ ଜଣେ ଡକାୟତ ଫେରାର ହୋଇଯାଇଛି ।
ମିଳିଥିବା ସୂଚନାନୁସାରେ, ଡ୍ରାଇଭର ସନ୍ଦୀପ କୁମାର ଟ୍ରକ ନେଇ ଆସୁଥିବାବେଳେ 2ଟି ମୋଟର ସାଇକଲରେ 6 ଜଣ ଡକାୟତ କିଲିଙ୍ଗା ଗାଁର ସନ୍ତୋଷ କୁଜୁର, ରାଜେଶ କୁଜୁର, ଆକାଶ ମିଞ୍ଜ, ସୋମା କୁଜୁର ଓ ଡୋଲାକୁଦର ମନୋଜ କୁମାର ଓ ଥୋମସ କୁଜୁର ବଗଡେଗା ଘାଟିରେ ଟ୍ରକର କାଚ ଭାଙ୍ଗି 20 ହଜାର ଟଙ୍କା ଲୁଟ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା
ଲୁଟ ପରେ ସୋମକୁଜୁର ଟ୍ରକରୁ ଓହ୍ଲାଉଥିବାବେଳେ ଚକା ତଳେ ଚାପି ହୋଇଥିଲାବେଳେ ଅନ୍ୟ 5 ଜଣ ମଧ୍ୟ ଟ୍ରକରୁ ପଡି ଆହତ ହୋଇଛନ୍ତି । ଏମାନଙ୍କ ମଧ୍ୟରୁ ଜଣେ ଫେରାର ଥିବା ଜଣାପଡିଛି । ଆହତ ଡକାୟତଙ୍କୁ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ବ୍ରାହ୍ମଣୀତରଙ୍ଗ ପୋଲିସ ଏକ ମାମଲା ରୁଜୁ କରି ତଦନ୍ତ କରୁଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
