ରାଉରକେଲା: ସୁନ୍ଦରଗଡ ସଦର ଥାନା ସୁବଳିଆ ଗାଁରେ ଘଟିଛି ଅଘଟଣ । ବଜ୍ରପାତ ଯୋଗୁଁ ଜଣେ ବାଳକର ମୃତ୍ୟୁ ହୋଇଥିବା ବେଳେ 5 ଜଣ ଆହାତ ହୋଇଛନ୍ତି ।
ଭିଡ଼ିଓ ସୌଜନ୍ୟ: ସମ୍ବାଦଦାତା,ରାଉରକେଲା
ଆଜି (ଶନିବାର) ରଜ ସଂକ୍ରାନ୍ତି ହୋଇଥିବାରୁ ସଦର ଥାନା ସୁବଳିଆ ଗ୍ରାମରେ ପିଲାମାନେ ଏକ ଜାମୁ କୋଳି ଗଛ ପାଖରେ ଖେଳୁଥିଲେ । କିନ୍ତୁ ହଠାତ୍ କାଳର କରାଳ ରୂପ ଧରି ମାଡ଼ି ଆସିଥିଲା ଘଡ଼ଘଡ଼ି ଓ ଝଡ଼ ପବନ । ସମୁଦାୟ 6 ଜଣ ପିଲା ସେଠାରେ ଖେଳୁଥିବା ବେଳେ ଜାମୁ କୋଳି ଗଛ ଉପରେ ବଜ୍ରାଘାତ ହୋଇଥିଲା । ଫଳରେ ସେଠାରେ ଖେଳୁଥିବା 10 ବର୍ଷର ବାଳକ ମୌସୁମ ନାଏକ ଗୁରୁତର ଭାବେ ଆହତ ହୋଇଥିବା ବେଳେ ପାଞ୍ଚ ଜଣ ଆହାତ ହୋଇଥିଲେ ।
ମୌସୁମର ଅବସ୍ଥା ସଙ୍କଟାପନ୍ନ ହେବାରୁ ତାକୁ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଉଥିବା ବେଳେ ବାଟରେ ତାର ମୃତ୍ୟୁ ଘଟିଥିଲା । ଆହାତ ହୋଇଥିବା ଅନ୍ୟ ପାଞ୍ଚଜଣଙ୍କ ଚିକିତ୍ସା ଏବେ ମଧ୍ୟ ଜାରି ରହିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
