ସୁନ୍ଦରଗଡ: ଦିନକୁ ଦିନ ବଢିବାରେ ଲାଗିଛି ଲୁଟେରାଙ୍କ ଆତଙ୍କ । ଦୁଇଜଣ ଲୁଟେରାଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି । ସେମାନଙ୍କ ନିକଟରୁ ନଗଦ 5500 ଟଙ୍କା , ଗୋଟିଏ ସ୍କୁଟି , ଦୁଇଟି ମୋବାଇଲ ଫୋନ ଓ ଗୋଟିଏ ଛୁରି ଜବତ କରିଛି । ତେବେ, ଗିରଫ ହୋଇଥିବା 2 ଲୁଟେରା ହେଉଛନ୍ତି । ସହିଲ ସୁନ୍ୟାନୀ ଓ ଶ୍ରୀକାନ୍ତ ତନ୍ତୀ । ଉଭୟଙ୍କ ଘର ଟାଉନ ଥାନା ଅନ୍ତର୍ଗତ ମହାନ୍ତିଆ ପଡା ବୋଲି ଟାଉନ ପୋଲିସ କହିଛି ।
ସୂଚନା ଅନୁସାରେ,ଗତ 20ରେ, ସୁନ୍ଦରଗଡ କଲେଜ ବାଇପାସ ନିକଟରେ ଏକ ମ୍ୟାକ୍ସ ପିକଅପ ଭ୍ୟାନକୁ ଅଟକାଇ ଭ୍ୟାନ ଚାଳକ ଠାରୁ 40 ହଜାର ଟଙ୍କା ଲୁଟି ନେଇ ଫେରାର ହୋଇଯାଇଥିଲେ 2 ଅଭିଯୁକ୍ତ । ଏ ନେଇ ଗାଡି ଚାଳକ ଟାଉନ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ଆଜି(ଶୁକ୍ରବାର) ଏହି ଲୁଟେରାଙ୍କ ବିଷୟରେ ସୂଚନା ପାଇଁ ସେମାନଙ୍କୁ ଗିରଫ କରିବା ସହ କୋର୍ଟ ଚାଲାଣ କରିଛି । ତେବେ ଏହି ଅଭିଯୁକ୍ତମାନେ ଗତ କିଛି ମାସ ହେଲା ଏପରି କାଣ୍ଡ ଘଟାଇ ଆସୁଥିବା କଥା ପୋଲିସ ନିକଟରେ ସ୍ବୀକାର କରିଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର,ଇଟିଭି ଭାରତ
