ସୁନ୍ଦରଗଡ: ରାଜ୍ୟ ସରକାରଙ୍କ ବିରୁଦ୍ଧରେ ସ୍ବର ଉତ୍ତୋଳନ କଲା ବିଜେପି । ସୁନ୍ଦରଗଡ ବିଜେପି ଯୁବମୋର୍ଚ୍ଚା ମାହାଙ୍ଗା ହତ୍ୟା ଘଟଣାକୁ ନେଇ ସରକାରଙ୍କୁ ଟାର୍ଗେଟ କରିଛି । ଘଟଣାରେ ମନ୍ତ୍ରୀ ପ୍ରତାପ ଜେନାଙ୍କ ସମ୍ପୃକ୍ତି ଦର୍ଶାଇ ମନ୍ତ୍ରୀଙ୍କ ବହିଷ୍କାର ଦାବିରେ ମଙ୍ଗଳବାର ଡିଆରଡିଏ ଛକରେ ଯୁବମୋର୍ଚ୍ଚା ପକ୍ଷରୁ ତାଙ୍କ କୁଶ ପୁତ୍ତଳିକା ଦାହ କରାଯାଇଛି । ଏହାସହ ରାଜ୍ୟର ଆଇନ ଶୃଙ୍ଖଳା ଉପରେ ଆଙ୍ଗୁଳି ଉଠାଇଛି ଦଳ ।
ଶାସକ ଦଳକୁ ବିଜେପି ଯୁବମୋର୍ଚ୍ଚାର ଟାର୍ଗେଟ, ପ୍ରତାପ ଜେନାଙ୍କ ବହିଷ୍କାର ଦାବି
ପ୍ରଧାନମନ୍ତ୍ରୀ ଆବାସ ଯୋଜନାରେ ନିର୍ମିତ ଗୃହରେ ବିଜୁ ପକ୍କାଘର ଷ୍ଟିକର ଲଗାଯିବା ଘଟଣାକୁ ମଧ୍ୟ ସମାଲୋଚନା କରିଛି ବିଜେପି ଯୁବମୋର୍ଚ୍ଚା । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସିଧାସଳଖ ଆପେକ୍ଷ କରାଯାଇଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
