ସୁନ୍ଦରଗଡ: ସୁନ୍ଦରଗଡରେ କଡାକଡି ହୋଇଛି ଟ୍ରାଫିକ ନିୟମ । ମାନବ ଜୀବନକୁ ସୁରକ୍ଷିତ ରଖିବା ପାଇଁ ୩୨ ତମ ସଡକ ସୁରକ୍ଷା ମାସ ପାଳନ ଦିନରୁ ସୁନ୍ଦରଗଡ ଏସପି ସାଗରିକା ନାଥ ଏହି ନିୟମ କଡାକଡି କରିଛନ୍ତି । ସ୍ବତନ୍ତ୍ର ସ୍କ୍ବାର୍ଡ ଗଠନ କରି ସେ ୬୧ ଜଣ ମଦ୍ୟପ ଗାଡି ଚାଳକଙ୍କୁ ଗିରଫ କରିବା ସହ ସେମାନଙ୍କୁ କୋର୍ଟ ଚାଲାଣ କରିଛନ୍ତି ।
ଗିରଫ ହେଲେ ୬୧ ଜଣ ମଦ୍ୟପ ଗାଡି ଚାଳକ
ସୁନ୍ଦରଗଡ ଜିଲ୍ଲା ରାଜଗାଙ୍ଗପୁର, କୁତ୍ରା, ବଡଗାଁ, ସଦର, ଟାଉନ, ତଳସରା, ବୀରମିତ୍ରପୁର ଓ ଭଷ୍ମା ଥାନା ଅଞ୍ଚଳରୁ ଏହି ମଦ୍ୟପ ଗାଡି ଚାଳକଙ୍କୁ ଗିରଫ କରାଯାଇଛି । ଗିରଫ ସମସ୍ତ ଚାଳକଙ୍କ ଆଲକୋହଲ ପର୍ସେଣ୍ଟେଜ ଓ ଡାକ୍ତରୀ ପରୀକ୍ଷା କରାଯାଇ କୋର୍ଟ ଚାଲାଣ କରାଯାଇଛି । ତେବେ ଏହି ପ୍ରକ୍ରିୟା ଆଗକୁ ଚାଲୁ ରହିବ ବୋଲି ଏସପି ଜଣାଇଛନ୍ତି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
