ରାଉରକେଲା: ରାଉରକେଲାରେ ଆରମ୍ଭ ହେବାକୁ ଯାଉଛି ରେଲୱେ କୋଚ୍ ରେଷ୍ଟୁରାଣ୍ଟ । ରାଉରକେଲା ରେଲୱେ ଷ୍ଟେସନ ଦ୍ବିତୀୟ ଗେଟ ନିକଟରେ ଆରମ୍ଭ ହେବାକୁ ଯାଉଛି ଏହି କୋଚ୍ ରେଷ୍ଟୁରାଣ୍ଟ । ଦୁର୍ଗାପୂଜା ପୁର୍ବରୁ ଉଦଘାଟନ ହେବ ଏହି ରେଲୱେ କୋଚ୍ ରେଷ୍ଟୁରାଣ୍ଟ । ତେବେ ବର୍ତ୍ତମାନ ଏହି ରେଷ୍ଟୁରାଣ୍ଟର ନିର୍ମାଣ କାର୍ଯ୍ୟ ଚାଲିଛି । ପ୍ରାୟ 30 ଲକ୍ଷ ଟଙ୍କାରେ ଏହି ରେଲୱେ କୋଚ୍ ରେଷ୍ଟୁରାଣ୍ଟ ନିର୍ମାଣ କରାଯାଉଛି । ରେଲୱେ କୋଚ୍ ଭିତରେ ରେଷ୍ଟୁରାଣ୍ଟ ହେବା ସହ ବାହାରେ ଫୁଡ଼ କୋର୍ଟର ବ୍ୟବସ୍ଥା ମଧ୍ୟ କରାଯିବ। ରେଲୱେ କୋଚ୍ ବାହାରେ ଏକ ଆଦିବାସୀ ପାରମ୍ପରିକ ଲୁକ ଦେଇ ଏକ ସ୍ଥାନ ନିର୍ମାଣ ହେବ । ଯେଉଁଠାରେ ଲୋକେ ବସି ଖାଦ୍ୟ ଖାଇବା ପାଇଁ ବ୍ୟବସ୍ଥା କରାଯିବ ।
ବ୍ରେକଫାଷ୍ଟରୁ ନେଇ ଡିନର ପର୍ଯ୍ୟନ୍ତ ଏହି ରେଷ୍ଟୁରାଣ୍ଟରେ ବିଭିନ୍ନ ପ୍ରକାର ବ୍ୟଞ୍ଜନ ପ୍ରସ୍ତୁତ କରାଯିବ । କୋଚ୍ ରେଷ୍ଟୁରାଣ୍ଟକୁ ବାହାରୁ ଆକର୍ଷଣୀୟ କରିବା ପାଇଁ ସୁନ୍ଦର ଚିତ୍ର ଏବଂ ସମ୍ବଲପୁରୀ ଡିଜାଇନ ନିର୍ମାଣ କରାଯାଇଛି । ଯେଉଁଥିରେ ଓଡିଶା ତଥା ପଶ୍ଚିମ ଓଡିଶାର ପରମ୍ପରାକୁ ଚିତ୍ର ମାଧ୍ୟମରେ ସ୍ଥାନ ଦିଆଯାଇଛି । ତେବେ ରାଉରକେଲାବାସୀ ତଥା ଯାତ୍ରୀମାନେ ଏକ ଅନନ୍ୟ ଢଙ୍ଗରେ ଭୋଜନର ଅନୁଭୂତି ଦେବା ଏହାକୁ ପ୍ରସ୍ତୁତ କରାଯାଉଛି ।
ଏହା ବି ପଢନ୍ତୁ.. UP: ମଝିରୁ ଅଲଗା ହୋଇଗଲା ମାଲବାହୀ ଟ୍ରେନ, ବିନା ଇଞ୍ଜିନରେ ଗଡିଗଲା 5 ବଗି
ନବନିର୍ମିତ ରେଳକୋଚ୍ ଭିତରେ ଏକ ଆରାମଦାୟକ ଏବଂ ସ୍ବାଗତଯୋଗ୍ୟ ଭୋଜନାଳୟ ଆୟୋଜନ କରାଯାଇଛି । ଏହାବ୍ୟତୀତ ଯେଉଁମାନେ ଖୋଲା ଆକାଶ ତଳେ ଖାଇବାକୁ ପସନ୍ଦ କରୁଛନ୍ତି ସେମାନଙ୍କ ପାଇଁ ଆଉଡୋର ଫୁଡ୍ କୋର୍ଟର ବ୍ୟବସ୍ଥା କରାଯିବ । ରେଳ ବଗି ବାହାରେ, ଏକ ମନୋରମ ଆଦିବାସୀ ପାରମ୍ପରିକ ବସିବା ସ୍ଥାନ ସୃଷ୍ଟି କରାଯିବ।
ଏହି ରେଷ୍ଟୁରାଣ୍ଟରେ ସକାଳୁ ରାତି ପର୍ଯ୍ୟନ୍ତ ବିଭିନ୍ନ ପ୍ରକାର ସ୍ବାଦିଷ୍ଟ ବ୍ୟଞ୍ଜନ ମିଳିବ ଯାହା ଲୋକଙ୍କ ରୁଚିକୁ ତୃପ୍ତ କରିବ । ଏଠାରେ ସକାଳ ଜଳଖିଆ ପାଇଁ ଶୀଘ୍ର ଉଠୁଥିବା ବ୍ୟକ୍ତି ହେଉ କିମ୍ବା ରାତ୍ରିଭୋଜନ ପାଇଁ ଖୋଜୁଥିବା ବ୍ୟକ୍ତି ରେଷ୍ଟୁରାଣ୍ଟ ଏହାକୁ ସମ୍ପୂର୍ଣ୍ଣ ପୂରଣ କରିବ ବୋଲି ଆଶା କରାଯାଉଛି । ତେବେ ପଶ୍ଚିମବଙ୍ଗର କଲିକତାର ଏକ ଘରୋଇ କମ୍ପାନୀ ଏହି ରେଷ୍ଟୁରାଣ୍ଟକୁ ଚଳାଇବ । ଏହି ରେଷ୍ଟୁରାଣ୍ଟର ସବୁଠାରୁ ଆକର୍ଷଣୀୟ ଦିଗ ହେଉଛି ଏହାର ଡିଜାଇନ୍ । ରେଳ ବଗିର ବାହାର ଭାଗରେ କରାଯାଇଛି ସୁନ୍ଦର ସୁନ୍ଦର କଳା କୃତ୍ତିକୁ ଏବେଠାରୁ ଲୋକଙ୍କ ମିନ କିଣିବାରେ ଲିଗିଛି ।
ଇଟିଭି ଭାରତ, ରାଉରକେଲା
