ଲକ୍ଷ୍ନୌ (ଉତ୍ତରପ୍ରଦେଶ) : ଆପଣ ପ୍ରାୟତଃ ଖେଳାଳୀମାନଙ୍କୁ କ୍ରିକେଟ୍ ପଡ଼ିଆରେ ଖେଳୁଥିବା ଦେଖନ୍ତି, ଯେଉଁଠାରେ ବ୍ୟାଟରମାନେ ପଡ଼ିଆରେ ଚୌକା ଓ ଛକାର ବର୍ଷା କରୁଥିବାବେଳେ ବୋଲରମାନେ ୱିକେଟ୍ ପରେ ୱିକେଟ ହାସଲ କରିଥାନ୍ତି । କିନ୍ତୁ ଆପଣ କ୍ବଚିତ କୌଣସି ରାଜ୍ୟର ମୁଖ୍ୟମନ୍ତ୍ରୀଙ୍କୁ ପଡ଼ିଆରେ କ୍ରିକେଟ୍ ଖେଳୁଥିବା ଦେଖିଥିବେ । ଆଜି ଆମେ ଆପଣଙ୍କୁ ସେହିଭଳି ଏକ ଭିଡିଓ ଦେଖାଇବାକୁ ଯାଉଛୁ ।
आज लखनऊ में आयोजित 36वें अखिल भारतीय एडवोकेट क्रिकेट टूर्नामेंट के शुभारंभ कार्यक्रम में सम्मिलित हुआ।
— Yogi Adityanath (@myogiadityanath) October 6, 2024
पिछले 10 वर्षों में आदरणीय प्रधानमंत्री श्री @narendramodi जी के मार्गदर्शन में देश में खेल गतिविधियों का विस्तार हुआ है। 'खेलो इंडिया', 'फिट इंडिया मूवमेंट' और 'सांसद खेलकूद… pic.twitter.com/dUUYzlt1jC
କ୍ରିକେଟ ଖେଳିଲେ ଯୋଗୀ :-
ବାସ୍ତବରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରବିବାର ଦିନ ତାଙ୍କର ବିଶେଷ ପୋଷାକ ଧୋତି-କୁର୍ତ୍ତା ପିନ୍ଧି କ୍ରିକେଟ୍ ଖେଳୁଥିବା ଦେଖିବାକୁ ମିଳିଥିଲା । ଲକ୍ଷ୍ନୌରେ ଆୟୋଜିତ 36 ତମ ଅଲ୍ ଇଣ୍ଡିଆ ଆଡଭୋକେଟ୍ କ୍ରିକେଟ୍ ଟୁର୍ଣ୍ଣାମେଣ୍ଟର ଉଦ୍ଘାଟନୀ କାର୍ଯ୍ୟକ୍ରମରେ ସିଏମ୍ ଯୋଗୀ ସେଠାରେ ପହଞ୍ଚିଥିଲେ, ଯେଉଁଠାରେ ସେ ନିଜେ ମଧ୍ୟ ବ୍ୟାଟିଂ କରୁଥିବା ଦେଖିବାକୁ ମିଳିଥିଲା । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ତାଙ୍କ ଅଫିସିଆଲ୍ 'ଏକ୍ସ' ଆକାଉଣ୍ଟରେ ପୋଷ୍ଟ କରି କ୍ରିକେଟ୍ ଖେଳିବା ସମୟର ଫଟୋ ସେୟାର କରିଛନ୍ତି ।
ଯୋଗୀ ଆଦିତ୍ଯନାଥ ଏହି ପୋଷ୍ଟରେ ଲେଖିଛନ୍ତି, "ଆଜି ଲକ୍ଷ୍ନୌରେ ଆୟୋଜିତ 36 ତମ ଅଲ ଇଣ୍ଡିଆ ଆଡଭୋକେଟ୍ କ୍ରିକେଟ୍ ଟୁର୍ଣ୍ଣାମେଣ୍ଟର ଉଦ୍ଘାଟନୀ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲି । ଗତ 10 ବର୍ଷ ମଧ୍ୟରେ ଆଦରଣୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଦେଶରେ କ୍ରୀଡାର ବ୍ୟାପକ ବିସ୍ତାର ହୋଇଛି । 'ଖେଲୋ ଇଣ୍ଡିଆ', 'ଫିଟ୍ ଇଣ୍ଡିଆ ମୁଭମେଣ୍ଟ' ଏବଂ 'ସଂସଦୀୟ କ୍ରୀଡା ପ୍ରତିଯୋଗିତା' ଏହାର ପ୍ରମାଣ ।" ତେବେ ଏହି ପ୍ରତିଯୋଗିତାରେ ଦେଶର ବିଭିନ୍ନ ରାଜ୍ୟରୁ ଅଂଶଗ୍ରହଣ କରିଥିବା ସମସ୍ତ ଦଳକୁ ହାର୍ଦ୍ଦିକ ଅଭିନନ୍ଦନ ଏବଂ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ।
#WATCH | Uttar Pradesh CM Yogi Adityanath tries his hands in cricket as he attends 'All India Advocates Cricket Tournament', in Lucknow pic.twitter.com/GFj9vD4xX5
— ANI (@ANI) October 6, 2024
ତେବେ ସୋସିଆଲ ମିଡିଆରେ ସିଏମ୍ ଯୋଗୀଙ୍କ ଏକ ଭିଡିଓ ମଧ୍ୟ ଭାଇରାଲ ହେଉଛି । ଏହି ଭିଡିଓରେ ଦେଖିବାକୁ ମିଳୁଛି, ସିଏମ୍ ଯୋଗୀ ଏକ ଷ୍ଟ୍ରେଟ୍ ଡ୍ରାଇଭ୍ ଖେଳିବାକୁ ଚେଷ୍ଟା କରୁଛନ୍ତି, କିନ୍ତୁ ସେ ଲେଗ୍ ସାଇଟ୍ ଆଡକୁ ଯାଇ ମିଡୱିକେଟ୍ ଆଡକୁ ବଲ୍ ଖେଳୁଛନ୍ତି । ଏହି ସମୟ ମଧ୍ୟରେ, CM ଯୋଗୀ ବହୁତ ଖୁସି ଦେଖାଯାଉଛନ୍ତି ।
ଏହା ମଧ୍ୟ ପଢ଼ନ୍ତୁ :-
- ଭାଇରାଲ ହେଉଛି ପାଣ୍ଡ୍ୟାଙ୍କ 'ନୋ-ଲୁକ୍-ଶଟ୍'; ଛକା ମାରିବାରେ କୋହଲିଙ୍କ ରେକର୍ଡ ଭାଙ୍ଗିଲେ ହାର୍ଦ୍ଦିକ - Hardik Pandya break Kohli Record
- ଭାରତକୁ ଟି20 ବିଶ୍ବକପ୍ ଜିତାଇଥିଲେ ପନ୍ତ ! ରୋହିତ ଖୋଲିଲେ ଗୁମର - Rohit Sharma on Pant
ବ୍ୟୁରୋ ରିପୋର୍ଟ, ଇଟିଭି ଭାରତ
