ରାଉରକେଲା: ସହରବାସୀ ସାବଧାନ ! ଯଦି ଆପଣ ମାନେ ନୋ ପାର୍କିଂ ଜାଗାରେ ଗାଡି ପାର୍କ କରୁଛନ୍ତି ତେବେ ସୁଧୁରି ଯାଆନ୍ତୁ ନଚେତ ଏହାପାଇ ଗଣିବାକୁ ପଡିବ ତଣ୍ଡ ଏବଂ ଗାଡି ମଧ୍ୟ ଟଣା ହେବ । ବେଆଇନ ପାର୍କିଂକୁ ନେଇ ଏଭଳି କୋଠର ପଦକ୍ଷେପ ଗ୍ରହଣ କରିଛି ରାଉରକେଲା ମହାନଗର ନିଗମ(RMRC) । ବେଆଇନ ପାର୍କିଂ କରୁଥିବା ଲୋକେ ସାବଧାନ । ବର୍ତ୍ତମାନ ରାଉରକେଲା ସହରରେ ବେଆଇନ ପାର୍କିଂ କଲେ ଗାଡିକୁ ଉଠାଇନେବ ରାଉରକେଲା ମହାନଗର ନିଗମ । ରାଉରକେଲାର ମୁଖ୍ୟ ମାର୍ଗଠାରୁ ଆରମ୍ଭ କରି ବିଭିନ୍ନ ଅଞ୍ଚଳରେ ପାର୍କିଂ ସମସ୍ୟା ଏବେ ସୀମା ଟପିଲାଣି ।
ରାସ୍ତାରେ ବେଆଇନ ଯାନବାହନ ପାର୍କିଂ କରୁଥିବାରୁ ଏହି ସମସ୍ୟା ଦେଖାଦେଇଛି । ତେବେ ବିଳମ୍ବ ହେଉ ପଛେ, ଅମାନିଆଙ୍କ ଉପରେ କାର୍ଯ୍ୟାନୁଷ୍ଠାନ ନେବା ଆରମ୍ଭ କରିଛି ରାଉରକେଲା ମହାନଗର ନିଗମ । ଆର୍ଏମ୍ସିର ଏକ ସ୍ବତନ୍ତ୍ର ଦଳ ସହରର ବିଭିନ୍ନ ଅଞ୍ଚଳରେ ବୁଲି ଅନୈତିକ ପାର୍କିଂ ହଟାଇବା ସହ ନିୟମ ଉଲ୍ଲଂଘନକାରୀଙ୍କ ଠାରୁ ଜରିମାନା ଆଦାୟ କରାଯାଇଛି । ସିଭିଲ ଟାଉନସିପ୍ ଅଞ୍ଚଳର ବିଭିନ୍ନ ଦୋକାନ ବଜାର, ବ୍ୟବସାୟିକ ପ୍ରତିଷ୍ଠାନ ସମ୍ମୁଖରେ ତଥା ରାସ୍ତା ଉପରେ ବେଆଇନ ଯାନବାହନ ପାର୍କିଂ କରାଯାଇଥିଲା ।
ଏହା ମଧ୍ୟ ପଢ଼ନ୍ତୁ: ମନ୍ଦିର ମାଳିନୀ ସହରର ଘୃଣ୍ୟ ଦୃଶ୍ୟ, ରାଜଧାନୀରେ ଦେହ ଦଲାଲଙ୍କ ଉତ୍ପାତ
ଏହାଦ୍ବାରା ଯାତାୟତ ବାଧାପ୍ରାପ୍ତ ହେବା ସହ ଅଯଥା ଟ୍ରାଫିକ୍ ସମସ୍ୟା ସୃଷ୍ଟି ହେଉଥିଲା । ନିୟମ ଉଲ୍ଲଂଘନ କରି ପାର୍କିଂ କରିଥିବାରୁ ପ୍ରାୟ ୩୦ଟି ବାଇକ ଚାଳକଙ୍କଠାରୁ ଜରିମାନା ଆଦାୟ କରାଯାଇଛି । ତେବେ ନିୟମ ଉଲ୍ଲଂଘନକାରୀ ସମ୍ମୁଖକୁ ଆସିନଥିଲେ । ଫଳରେ ୭ଟି ବାଇକ ଓ ଗୋଟିଏ କାର୍କୁ ସ୍ବତନ୍ତ୍ର ଦଳ ଜବତ କରି କ୍ରେନ୍ ସହାୟତାରେ ଉଠାଇ ନେଇଥିଲେ । ତେବେ ଆଗାମୀ ଦିନରେ ମଧ୍ୟ ରାଉରକେଲା ସହରର ବିଭିନ୍ନ ସ୍ଥାନରେ ମହାନଗର ନିଗମ ଏଭଳି ଚଢ଼ାଉ ଜାରି ରଖିବ ଏବଂ ଖିଲାପକାରୀଙ୍କ ଉପରେ କାର୍ଯ୍ୟନୁଷ୍ଠାନ ନିଆଯିବ ବୋଲି ସୂଚନା ମିଳିଛି ।
ଇଟିଭି ଭାରତ, ରାଉରକେଲା
