ସୁନ୍ଦରଗଡ: ହେମଗିରି ଥାନା ଗାଡି ଦୁର୍ଘଟଣା ଗ୍ରସ୍ତ । ସୁନ୍ଦରଗଡ ଜିଲ୍ଲା ହେମଗିର ଥାନା ଅନ୍ତର୍ଗତ କାଲୋ ବାହାଲ ନିକଟରେ ଯାନ୍ତ୍ରିକ ତୃଟି ଯୋଗୁଁ ଗଛରେ ପିଟିହେଲା ପୋଲିସ ଭ୍ୟାନ । ଦୁର୍ଘଟଣାରେ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଦୁଇ ଜଣ ଆହତ ହୋଇଛନ୍ତି ।
ଆହତଙ୍କ ମଧ୍ୟରୁ ସୁନୀଲ କୁମାର ନାଏକ(ହାବିଲଦାର)ଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ମୃତ ଓଏପିଏଫ( OAPF) ଯବାନ ହେଲେ ଅନୀଲ ଏକ୍କା ଓ ତାଙ୍କ ଘର କୁତ୍ରା ଥାନା ଅଞ୍ଚଳରେ ବୋଲି ଜଣାପଡିଛି ।
ଜଣେ ଅଭିଯୁକ୍ତକୁ କୋର୍ଟ ଚାଲାଣ କରି ସୁନ୍ଦରଗଡରୁ ହେମଗିର ଥାନା ଫେରୁଥିବା ବେଳେ କାଲୋ ବାହାଲ ନିକଟରେ ଗାଡିର ଯାନ୍ତ୍ରିକ ତୃଟି ଯୋଗୁ ଷ୍ଟିୟରିଂ ଜାମ ହୋଇ ଏହି ଅଘଟଣ ଘଟିଛି ବୋଲି ଜଣାପଡିଛି ।
ସୁନ୍ଦରଗଡ଼ରୁ ହରିହରଦାସ ମହାପାତ୍ର, ଇଟିଭି ଭାରତ
